影片
更多
2023-12-13
1034 瀏覽
呢間餐廳响內地好有人氣，佢終於黎到香港開店喇，緊係要吓場。餐廳空間大，周圍好乾淨。座位寬闊，坐得非常舒服。呢度烤肉出名，咁緊係要個招牌烤肉，2-3人餐。仲有呀，店員會幫客人燒埋，完全感受佢哋專業同細心，服務同態度真係好好。前菜5小碟：蔬菜沙律用左醋做醬汁，酸酸甜甜幾開胃。薯仔沙律夾住左粟米同紅蘿蔔粒，好甜。蘿蔔絲酸酸辣辣，唔鐘意辣可食另一款醃製酸蘿蔔。最後仲有生菜，呢個係用黎包住燒肉食。而最開心就係可以無限量添加，唔怕食完就無。特製花生醬：店員好細心，先問客人要唔要芫荽蔥。花生醬味道特濃，點牛食味道最好。芝士粟米粒：粟米好甜，芝士拉晒絲，唔錯。老太太特色瘦牛：呢度係用炭爐烤肉，比出面用媒氣爐有特色。瘦牛一D都唔鞋口，好滑，點埋特製花生醬真係好好食。老太太特色肥牛：唔算太肥，入口帶少少油脂比較香，記得要點花生醬。燒汁橫隔膜：肉厚有口感，多肉汁，肉味濃。店員真係好專業，將肉一條條剪開，確保肉燒得均勻，真係比個like佢哋。雪花肋條：比較瘦，有質感。同樣都係重牛味，點辣汁食比較夾。厚切豬五花：賣相幾靚，好大塊。店員先剪開兩邊燒，然後再逐小逐小剪開佢燒熟，排得好整齊呀。眼見脂肪好多，但食落唔覺
餐廳空間大，周圍好乾淨。座位寬闊，坐得非常舒服。呢度烤肉出名，咁緊係要個招牌烤肉，2-3人餐。仲有呀，店員會幫客人燒埋，完全感受佢哋專業同細心，服務同態度真係好好。
前菜5小碟：蔬菜沙律用左醋做醬汁，酸酸甜甜幾開胃。薯仔沙律夾住左粟米同紅蘿蔔粒，好甜。蘿蔔絲酸酸辣辣，唔鐘意辣可食另一款醃製酸蘿蔔。最後仲有生菜，呢個係用黎包住燒肉食。而最開心就係可以無限量添加，唔怕食完就無。
特製花生醬：店員好細心，先問客人要唔要芫荽蔥。花生醬味道特濃，點牛食味道最好。
芝士粟米粒：粟米好甜，芝士拉晒絲，唔錯。
老太太特色瘦牛：呢度係用炭爐烤肉，比出面用媒氣爐有特色。瘦牛一D都唔鞋口，好滑，點埋特製花生醬真係好好食。
老太太特色肥牛：唔算太肥，入口帶少少油脂比較香，記得要點花生醬。
燒汁橫隔膜：肉厚有口感，多肉汁，肉味濃。店員真係好專業，將肉一條條剪開，確保肉燒得均勻，真係比個like佢哋。
雪花肋條：比較瘦，有質感。同樣都係重牛味，點辣汁食比較夾。
厚切豬五花：賣相幾靚，好大塊。店員先剪開兩邊燒，然後再逐小逐小剪開佢燒熟，排得好整齊呀。眼見脂肪好多，但食落唔覺得佢有油膩感覺，厚實得黎軟軟，容易咬開，油滲出黎好香，好好味。
錫紙金針菇：用左少許辣椒同蒜蓉一齊燒，燒到就熟店員問要唔要加豉油，我加左少少，入口帶少少蒜香味，原汁原味。
張貼
