一郎

營業中

休息中

尖沙咀亞士厘道附近都有好多好野食，今次就輪到食依間。小店細細間，環境就充滿色彩。而麵食選擇就貴精不貴多，得五款供選擇。都仲有小食可以追加，食拉麵都有得扭蛋抽都係第一次，今次抽到汽水一罐。羽根餃子 $32一碟4隻，餃皮薄而煙韌，餡肉豐滿有肉汁，餃子底香煎酥脆，味道唔錯。唐揚炸雞 $38炸雞大件厚肉，外皮鹹酥香脆，肉質鮮嫩食落唔油膩。𓊈赤郎君 - 激辛地獄拉麵 $98湯底辛辣非常刺激，麵質爽口彈牙，仲有紅噹噹的溏心蛋，蛋黃半熟不凝固高水準，慢煮西班牙黑豚叉燒薄而煙韌。限定君 - 鯛魚湯拉麵 $138湯底呈奶白色，魚湯味道濃郁，熱飲唔腥趁熱食為佳。拉麵軟硬適中，配上和歌山真鯛魚片三塊，魚肉軟嫩細緻，味道鮮美。仲有溏心蛋、叉燒、豆卜、蘆筍、味付荀筍、木耳絲、紫菜。整體味道唔錯。靜岡蜜瓜梳打 $26蜜瓜味道濃郁入口香甜唔會好甜，梳打有氣清爽感覺。抹茶可樂 $26飲落似食可樂糖的味道，甜度適中，但就抹茶味就唔爭氣，飲唔出。