影片
更多
2023-07-04
508 瀏覽
1. 預約 1:45pm, 2:07pm先有得入 ，7月嘅天氣請問係幾熱，企喺門口等食$2000一餐？！我真係覺得好不知所謂，追爆我兩日催我比$600訂金，就係reserve seats, reserved 而最後要等有冇攪錯？我諗真係冇食客會期待食2000蚊一餐係企喺門口熱住企喺度煎20分鐘！2. 滴晒汗成身濕晒入到去，一坐低立即上蒸蛋，好痴線！所謂嘅金箔少到隱約見到一兩點罷，唔覺特別好食。食咗兩啖真係按捺不住，問可唔可以要杯冰水，侍應都唔係幾好禮貌，叫我等佢做埋手頭上啲嘢先，最後兩個人滴晒汗都係比一杯冰水，真係好貼心。後來附送一客小食話唔好意思要你等，完全係機械式表達，我諗佢已經慣咗每日都係咁講。3. 所謂嘅刺身四品，我期望係4款唔同刺身，原來只係兩款 ，而每款兩件，都係用上大量醬汁，完全食唔到鮮味，點解要用咁多醬料覆蓋都唔使講明白。4. 將凍嘅海膽放落剛炸好嘅帶子再包紫菜，完全錯嘅配搭，帶子真係超熱，食唔出粒帶子鮮味，亦蓋晒海膽嘅味，我唯一可以讚係塊紫菜係脆嘅。5. 師傅應該仲病緊，啲咳聲同痰聲令人好擔心，處理壽司期間佢都要處理自己鼻水，我真心寧願餐廳告訴我他要休息叫我唔好嚟住，
2. 滴晒汗成身濕晒入到去，一坐低立即上蒸蛋，好痴線！所謂嘅金箔少到隱約見到一兩點罷，唔覺特別好食。食咗兩啖真係按捺不住，問可唔可以要杯冰水，侍應都唔係幾好禮貌，叫我等佢做埋手頭上啲嘢先，最後兩個人滴晒汗都係比一杯冰水，真係好貼心。
後來附送一客小食話唔好意思要你等，完全係機械式表達，我諗佢已經慣咗每日都係咁講。
3. 所謂嘅刺身四品，我期望係4款唔同刺身，原來只係兩款 ，而每款兩件，都係用上大量醬汁，完全食唔到鮮味，點解要用咁多醬料覆蓋都唔使講明白。
4. 將凍嘅海膽放落剛炸好嘅帶子再包紫菜，完全錯嘅配搭，帶子真係超熱，食唔出粒帶子鮮味，亦蓋晒海膽嘅味，我唯一可以讚係塊紫菜係脆嘅。
5. 師傅應該仲病緊，啲咳聲同痰聲令人好擔心，處理壽司期間佢都要處理自己鼻水，我真心寧願餐廳告訴我他要休息叫我唔好嚟住，唔好勉強佢上班；同埋，佢件製服左下角真係好污糟，希望注意清潔。
6. 海膽杯嘅海膽份量超多，但品質超劣，我寧願減 1/2甚至 2/3，比返個高質嘅海膽。店員不停告訴我「呢個影相靚」，其實我係一個區外嚟搵好嘢食嘅人，唔係搵相影。
7. 我只係一個最近勤力加班所以想嚟獎賞自己嘅為食鬼，所以食完呢餐真係好氣憤，浪費了我努力賺來的金錢，嘢食唔新鮮，店員服務也沒有誠意，完全唔值$892仲要加一x2!
張貼