更多
2020-04-27
908 瀏覽
黎開做野，搵個住元朗既朋友帶我食好野先😝佢揀左薄荷葉，話呢間係元朗好出名既泰國菜餐廳。係元朗站見到個朋友，之後就轉輕鐵係豐年站落車，直行就到喇。都算方便！呢度係間酒吧，氣氛都好好，又有音樂，今日我都算早食飯七點前已經坐低，好容易搵位，呢度仲可以坐出面，呢個天氣涼涼地就啱晒。好欣賞佢一坐低就俾咗碟前菜，酸酸甜甜既青瓜紅蘿蔔好開胃。⭐️冬陰公湯 細 🥘係我鐘意既味，唔算太辣，酸酸地，好開胃。都好足料！有好多菇，開邊蝦都有幾隻，蝦肉好爽口。份量都算多，每人筆到至少兩碗😋😋⭐️酸辣無骨鳳爪沙律鳳爪爽口，啖啖肉，加上配菜洋蔥，紫椰菜，紅辣等色彩繽紛，令人食指大動。一碟差唔多有10隻鳳爪，微辣，極之開胃，必點前菜之一。⭐️馬拉盞炒通菜🥬菜既份量好足，炒得剛剛好，唔會太老，食落唔會有‘渣’。兩個人食啱啱好，唔會太咸，唔會太辣，加分。⭐️⭐️⭐️咖喱軟殼蟹配薄餅🦀🦀呢個真係好好食，尤其係我本身都好鍾意食軟殼蟹，上碟時軟殼蟹堆滿碟，可想而知有幾大隻啦！咖喱係黃咖喱，香而不辣，加上薄餅酥化，見一層層既酥皮。酥皮吸滿咖喱汁，再配合蟹令人胃口大開。下次黎一定會再叫咖喱軟殼蟹加埋薄餅！⭐️椰青，好大個，夠清甜，我連啲椰子肉都
佢揀左薄荷葉，話呢間係元朗好出名既泰國菜餐廳。
係元朗站見到個朋友，之後就轉輕鐵係豐年站落車，直行就到喇。都算方便！
呢度係間酒吧，氣氛都好好，又有音樂，今日我都算早食飯七點前已經坐低，好容易搵位，呢度仲可以坐出面，呢個天氣涼涼地就啱晒。
好欣賞佢一坐低就俾咗碟前菜，酸酸甜甜既青瓜紅蘿蔔好開胃。
⭐️冬陰公湯 細 🥘
係我鐘意既味，唔算太辣，酸酸地，好開胃。都好足料！有好多菇，開邊蝦都有幾隻，蝦肉好爽口。份量都算多，每人筆到至少兩碗😋😋
⭐️酸辣無骨鳳爪沙律
鳳爪爽口，啖啖肉，加上配菜洋蔥，紫椰菜，紅辣等色彩繽紛，令人食指大動。一碟差唔多有10隻鳳爪，微辣，極之開胃，必點前菜之一。
⭐️馬拉盞炒通菜🥬
菜既份量好足，炒得剛剛好，唔會太老，食落唔會有‘渣’。兩個人食啱啱好，唔會太咸，唔會太辣，加分。
⭐️⭐️⭐️咖喱軟殼蟹配薄餅🦀🦀
呢個真係好好食，尤其係我本身都好鍾意食軟殼蟹，上碟時軟殼蟹堆滿碟，可想而知有幾大隻啦！咖喱係黃咖喱，香而不辣，加上薄餅酥化，見一層層既酥皮。酥皮吸滿咖喱汁，再配合蟹令人胃口大開。
下次黎一定會再叫咖喱軟殼蟹加埋薄餅！
⭐️椰青，好大個，夠清甜，我連啲椰子肉都食埋🤤當食到油利時，一啖椰青水即刻令口腔refresh 返曬
⭐️青檸梳打，都好大杯👍🏻令人透心涼呀
今日係平日，我同朋友就唔飲酒啦，不過都見到佢嘅酒類飲品好多選擇，呢到都好適合同朋友嚟傾偈飲嘢。
張貼
