田中日本料理

營業中

休息中

平時搭車經過田中都長期有人龍喺門口等位🥶 今次難得上朋友屋企食飯，佢提議食田中外賣，我先有機會一嘗呢間元朗人氣名店😆田中最出名就係佢壽司嘅size! 平時食壽司多數舊魚生都係同舊飯差唔多size，不過田中嘅壽司上面舊魚生🍣絕對唔會吝嗇！我哋今次叫咗三文魚、北寄貝、帶子壽司同埋芝士鰻魚卷😋🌟北寄貝食落鮮甜爽口🌟帶子亦都比出面好多餐廳更厚身大粒😋😋食得好滿足🥰🌟甜蝦同樣大大隻，鮮味十足，唔會有怪味！愛蝦之人必點❤️🌟三文魚唔止長度滿分，厚度都滿分💯食落油脂比例剛剛好，鮮甜❤️🌟芝士鰻魚卷🧀一份有六件，入面除咗有鰻魚之外，又有青瓜，可以解一解芝士嘅膩。不過食得多都係會膩膩地🤪所以最適合幾個人開心share❣️小食方面，我哋叫咗蟹籽沙律🥗咪以為唔係壽司就求求其其，師傅完全無留手，成碗都係蟹籽😍😍😍唔信？睇圖啦🤣🤣其實我哋仲叫咗份雜錦天婦羅，不過可能始終外賣拎到上去都無咁脆😔所以建議大家想食就堂食啦😌除此之外，我哋仲叫咁一份日式炒野菌同芝麻八爪魚，同樣份量十足，不過味道方面就中規中矩🙂如果下次有機會，我一定會encore❣️❣️