FAMA (已結業)

今晚收工同朋友嚟咗大埔食飯，由於我哋都好肚餓，所以每人都叫咗一個餐，每個餐都有餐湯同餐包😍😍我一打開個Menu，見到有天使面諗都唔使諗就叫。佢呢款天使麵係蒜香菠菜蘑菇天使麵。今年一嚟到就好香蒜味，另外佢都有用洋蔥炒香個面，所以好香同埋好好味。朋友就叫咗一個漢堡包，佢叫咗炸軟殼蟹炸魚柳漢堡包配薯條。一嚟到俾個份量嚇親，塊炸魚柳大過成個手掌😂😂漢堡包裏便配料都好多包括有蕃茄生菜，所以食落去都好清新。我覺得漢堡包下次都可以再試吓食，因為啲料真係好多同好豐富，個炸軟殼蟹真係啖啖肉同埋佢真係新鮮整熱辣辣。