OOULI

餐廳位於23樓，加埋落地玻璃，環境開陽。平時較少食到咁傳統嘅韓國風味，有自家農場，連大米都係自己種植。餐單上略嫌太多流質湯水，整體都係一個特別嘅體驗😛🌟4 Course Set Lunch $538/位✨Deuk Kkae-Jim蔬菜、牛肉、蜆肉配搭自家大米，15小時烹調而成嘅傳統韓國風味粥。帶點濃稠，係我鍾意嘅口感，味道鹹香，有米餅同自家製芝麻作點綴。✨Jili Tang海鮮清湯配釜山鮑魚，以鮮魚高湯打成泡沫。味道走淡雅路線，淡淡海水鹹香咁，鮑魚有嚼勁，原汁原味為主，調味較輕。✨Jan Chi烤韓國澳洲和牛·烤釜山鰻魚配搭唔同醬汁，各有風味。✨JinSu -Sung Chen釜山自家農田珍珠米飯，是日我最鍾意嘅菜式！配搭48小時鰻魚湯，五種時令釜山拌菜。珍珠米飯粒粒分明，香氣突出，加少少湯做泡飯一流😋