佳佳甜品

營業中

休息中

佳佳算係我比較鐘意嘅糖水店，品種冇一d新穎嘅糖水店多，但係出品絕對唔會差，賣得最好嘅都係一d比較傳統嘅老式糖水，好似自己屋企都經常煲嘅番薯糖水，仲有從細食到大嘅芝麻糊，杏仁露，合桃露之類有益嘅糖水，雖然因為租金問題搬過幾次店面，不過係呢附近。濃薑番薯糖水真係每次必點吖，飽到死都可以食一碗落去，濃濃嘅薑味，連糖水都系辣嘅，妳可以想象下有幾多薑！當然，唔鐘意薑嘅人就唔自己穩苦捱喇！番薯係雞蛋黃嘅番薯，好粉又清甜，煲糖水一流！一碗落去胃都暖埋！杏仁露杏仁味濃郁，又香又潤，試一啖妳就知乜叫真材實料！黑白配嘅杏仁露同香滑芝麻糊，顏色好睇，味道不錯，清潤嘅杏仁露，香濃嘅芝麻糊，正！