三日月

營業中

休息中

平時睇開的鐵板燒，閑閑地都千幾蚊一位，今次見到午市輕食套餐，都只不過係二百零蚊，仲抵食過普通西餐，所以趁住今日星期六，試吓這個性價比高的鐵板燒。餐廳非常之就腳，我哋坐喺廚師吧枱，抽風系統很好，坐埋都冇油煙味。頭盤是沙律，配上柚子醬汁， 10分清新。主菜可以六選一，又有牛，又有豬，又有蝦，又有魚，我哋想試吓這個豚肉卷，睇吓包住啲乜嘢。師傅先炒咗啲蘆筍同埋金菇，然後再炒雜菜，雜菜同剛才的沙律完全不同風格，鐵板燒雜菜非常濃味，基本上可以送飯。原來蘆筍同金菇唔係放喺雜菜嗰度，而係用嚟做豚肉卷的餡料，豚肉卷配上燒汁，甜甜地之餘，入口很多汁，口感非常豐富。蒜片自家製，拼埋落去雜菜同埋豚肉卷上面食，加多一層脆卜卜的感覺。雖然叫做輕食午餐，但是每人都有一大碗蔥花蛋飯，非常之夠飽。食完飯之後又有麵豉湯，麵豉湯非常之入味，熱辣辣。條粉仲有艾草整成的糯米糍，裏面的紅豆餡不是太甜，可以解除鐵板燒的油膩感。