十和田總本店

營業中

休息中

之前經過見到都多人幫襯，終於前幾日就同朋友去咗食lunch試吓佢。lunch meun都多選擇，但係有少少美中不足嘅係自己部電話太細，scan QR code落單嘅時候，啲相太細冇得放大，同埋冇寫到入面包括邊啲壽司。例如”午市壽司套餐”，張相大約估到幾件明顯少少嘅 （三文魚，吞拿魚 & 鰻魚), 其他就睇得唔清楚，要估個套餐有咩其他壽司🧐。最終決定咗食三文魚親子丼，大約～$120。碗丼好大碗，好多料，而且都幾新鮮。啲三文魚唔係切片咁鋪上飯面，而係大大粒角切咁一大堆放上飯面。鍾意食三文魚嘅人應該會覺得好滿足，因為份量十足同新鮮。但當我食到一大半差不多飽嘅時候個waiter先俾個麵豉湯同蒸蛋我😑。另外個朋友叫炸雞烏冬漏咗單。總括食物方面值得一試，價錢可能比較貴，但份量多，值回票價。服務方面就有進步空間。