利星火鍋海鮮小炒

營業中

休息中

一班人食飯食乜好? 今次我同朋友就揀左依間係深水埗食小炒既飯堂 - 利星火鍋海鮮小炒，放工搭地鐵係深水埗站落車行兩步就到，真係超級方便。朋友話黎到依度一定要飲杏汁豬肺湯，不過依個湯要預先訂，如果想飲既話記得提前落單。豬肺湯呈奶白色，陣陣杏香撲鼻，口感滑溜。好足料，湯入面既湯料都可以食，連平時唔食豬肺既我都覺得唔錯，好軟腍好入味，推薦！因為人多，我地叫左個利星炒飯，今次依個糯米飯係連熱鍋一齊端上枱，可以一路keep住飯既溫度，一大班人食飯時叫都幾好！好大鍋，賣相一流，而且米飯粒粒分明好乾身，每一粒都沾上顏色而且好入味十分吸引！依個蒜香骨好有鑊氣好惹味，朋友都食到停唔到口，蒜香骨下面有炒過既菜葉，食落口感有少許脆口。比較特別既係依款wasabi沙拉骨，每舊沙拉骨都被wasabi醬包圍，如果唔食wasabi既話就盡量唔好點，可以試下其他小菜！總括，晚飯時間比較多人，建議食前先book位。