影片
更多
2024-03-12
258 瀏覽
地址－酒鍋 (天文台道) 尖沙咀天文台道8號2樓1號舖💋黃金美人鍋，呢個鍋即係胡椒豬肚花膠黃金鮮雞湯，侍應一開始會將半隻雞的份量倒落去，再一齊煲，肉熟後就可以連埋豬肚及花膠一齊食，食之前首先要飲左湯先，佢胡椒味勁出，而且唔會過辣，岩晒而家凍凍的天氣，而D雞肉質嫩滑又厚肉，豬肚份量唔少，好似食極都仲有咁，勁抵XD。💋黑毛和牛(6片)，飲完湯後就開始打邊爐了，最先我地就食左和牛先，和牛肉質細膩，油花分布均勻，牛味濃郁。💋2人海鮮拼盤(扇貝，聖子，海蝦及蜆)，呢個海鮮拼盤雖然數量唔算好多，但全部都好新鮮，扇貝肉質肥美，聖子勁大隻，洗得好乾淨，海蝦個SIZE絕對係KING SIZE，而且肉質勁爽口彈牙，而佢是日海鮮係蜆，食落完全冇砂，肉質都唔錯。💋黑松露蝦蟹餃，魚皮餃，手打墨魚丸，手打芝士蝦丸各2粒，黑松露蝦蟹餃佢個餡勁豐富，黑松露味勁出，裡面的蝦又帶來彈牙的口感，魚皮餃食落唔錯，墨魚丸食落勁彈牙，而芝士蝦丸佢中間居然仲有半溶芝士流出黎，邪惡得黎畫面真美，正。💋什菜籃及招牌凍豆腐，食左咁多肉類，當然要食返D菜菜平衡下，今日的菜有生菜同油麥菜等，全部都好新鮮，減少一點罪惡感XD，而最後當然要食返
尖沙咀天文台道8號2樓1號舖
💋黃金美人鍋，呢個鍋即係胡椒豬肚花膠黃金鮮雞湯，侍應一開始會將半隻雞的份量倒落去，再一齊煲，肉熟後就可以連埋豬肚及花膠一齊食，食之前首先要飲左湯先，佢胡椒味勁出，而且唔會過辣，岩晒而家凍凍的天氣，而D雞肉質嫩滑又厚肉，豬肚份量唔少，好似食極都仲有咁，勁抵XD。
💋黑毛和牛(6片)，飲完湯後就開始打邊爐了，最先我地就食左和牛先，和牛肉質細膩，油花分布均勻，牛味濃郁。
💋2人海鮮拼盤(扇貝，聖子，海蝦及蜆)，呢個海鮮拼盤雖然數量唔算好多，但全部都好新鮮，扇貝肉質肥美，聖子勁大隻，洗得好乾淨，海蝦個SIZE絕對係KING SIZE，而且肉質勁爽口彈牙，而佢是日海鮮係蜆，食落完全冇砂，肉質都唔錯。
💋黑松露蝦蟹餃，魚皮餃，手打墨魚丸，手打芝士蝦丸各2粒，黑松露蝦蟹餃佢個餡勁豐富，黑松露味勁出，裡面的蝦又帶來彈牙的口感，魚皮餃食落唔錯，墨魚丸食落勁彈牙，而芝士蝦丸佢中間居然仲有半溶芝士流出黎，邪惡得黎畫面真美，正。
💋什菜籃及招牌凍豆腐，食左咁多肉類，當然要食返D菜菜平衡下，今日的菜有生菜同油麥菜等，全部都好新鮮，減少一點罪惡感XD，而最後當然要食返個凍豆腐黎吸盡湯底的精華啦。
💋Lychee Energizer及Peachy Punch，佢杯Lychee Energizer勁重荔枝味同帶有微微的薑味，唔錯，而Peachy Punch味道都算清新，解膩作用一流。
張貼
