Green Waffle Diner (形點) (已結業)

通常約人去Yoho mall傾偈，都會揀去Green waffles，貪佢靜靜地幾好坐，坐位間又濶落，就算係商場open area都唔覺熱。是日又同朋友黎左食，餐牌update左，仲多左生酮餐同無麵粉嘅窩夫班㦸等，正喎，生酮都有甜品食，等我話比食緊生酮餐嘅同事先。平日下午茶時段客人唔多，有七、八枱客左右。我地揀左張大卡位坐，哈哈，呢張枱夠晒濶落，仲冷氣十足，舒服舒服～睇左睇餐牌，下午茶都幾啱食，就叫呢個啦。牛油果軟殼蟹墨西哥餅配薯粒牛油果一向係favour，一見到已經想叫呢樣。上到枱賣相唔錯喎，墨西哥卷一開為二，裏面包住厚切牛油果肉同半隻軟殼蟹，牛油果很creamy，軟殼蟹十分有驚喜，炸得香脆酥軟，仲係大size蟹，有蟹肉同蟹膏，係蟹膏！第一次食軟殼蟹有蟹膏！！旁邊附上酸忌廉，隨個人喜好加進墨西哥卷，剩低的用來點薯粒都唔錯。焦糖香蕉窩夫配雲呢那雪糕食完鹹點又試埋個甜品先，附上的雪糕可以揀雲呢拿或者朱古力口味，我哋就揀咗雲呢拿。窩夫外脆內軟，仲食到蛋香添，加點放在枱上的楓糖就好完美了。焦糖香蕉基本上無得輸，又甜又香最啱做甜品。熱咖啡食甜品配咖啡特別夾，要左兩杯熱啡，奶同糖都係自由添加的。