To-Gather Cafe (已結業)

由大堂到cafe都覺得好寬敞舒適，是旺角鬧市中少見的，加上放，boardgsme的地方都好整齊，明顯有執拾過的感覺。講下食物，今次點了七個餐，Party B set第一道前菜已經令我好垂涎三尺，凱撒沙拉的醬攪拌得好好，沙律菜新鮮，每一塊都有醬的，令我食到停唔到！小食拼盤:蜜糖雞翼的蜂蜜味濃，咖哩角香脆，墨魚餅真材實料，有少少粟米，更添甜味，豬頸肉好冧滑，唔會烤得太乾。照燒雞肉串多汁，吉列蝦條炸漿薄，所以好夠脆。無得輪輸薯條的確物如其名，即叫即炸，仲要即食先好味！上面淋的cheese有點creamy，應該是有調過味的，不是只有cheese咁簡單。芝士汁焗雜菜，份量都幾多。好多蜆肉香蒜蜆肉意粉，仲有磨菇添！蕃茄焗豬扒飯有炒飯底，真有心，仲要拍得住某大型連鎖店的焗豬，正！