影片
更多
2023-02-09
115 瀏覽
依間Pizzeria每晚5-10點都有all you can eat，每人$388就有得任食任飲，餐廳menu以pizza同small plate為主，前菜選擇多，有唔同風味既食材同香料，人數多既話，可以每款都叫黎試下。餐廳座位唔算多，但樓底非常高，坐得舒適又放鬆，店員態度同服務好好，點菜/上菜都願意講解下食物。🍕 皇后薄餅 $138 (La Reine)以摩特黛拉火腿、蘑菇、橄欖、芝士為配料，鋪喺表面好均勻，而手工製既餅底薄薄地，外邊香脆入面煙韌，上面薄薄地一層番茄醬，加埋大大粒橄欖，咬落去入味又juicy。🥗 雞肉凱撤沙律 $128(Chicken Caesar)食pizza前梗係要食開胃啲嘅嘢，沙律醬用蛋黃醬、橄欖油、鯷魚等製成，撈埋雞肉絲、煙肉片，味道昇華唔少，清新既羅馬生菜同香味巴馬臣芝士、烘麵包粒，每啖都回味無窮~🫑🧀 焗西班牙青椒配意大利藍芝士醬$78(Roasted Padrôn Pepper served withGorgonzola Sauce)依個小青椒一啲都不辣，濃濃既青椒味微微帶點苦，本身以為藍芝士會好臭/濃味，但溝咗蛋黃醬同忌廉之後中和咗好多，意外地互相襯托
餐廳座位唔算多，但樓底非常高，坐得舒適又放鬆，店員態度同服務好好，點菜/上菜都願意講解下食物。
🍕 皇后薄餅 $138
(La Reine)
以摩特黛拉火腿、蘑菇、橄欖、芝士為配料，鋪喺表面好均勻，而手工製既餅底薄薄地，外邊香脆入面煙韌，上面薄薄地一層番茄醬，加埋大大粒橄欖，咬落去入味又juicy。
🥗 雞肉凱撤沙律 $128
(Chicken Caesar)
食pizza前梗係要食開胃啲嘅嘢，沙律醬用蛋黃醬、橄欖油、鯷魚等製成，撈埋雞肉絲、煙肉片，味道昇華唔少，清新既羅馬生菜同香味巴馬臣芝士、烘麵包粒，每啖都回味無窮~
🫑🧀 焗西班牙青椒配意大利藍芝士醬$78
(Roasted Padrôn Pepper served with
Gorgonzola Sauce)
依個小青椒一啲都不辣，濃濃既青椒味微微帶點苦，本身以為藍芝士會好臭/濃味，但溝咗蛋黃醬同忌廉之後中和咗好多，意外地互相襯托到。
🧀🧀🧀 芝士拼盤 $168
(Cheese Plate)
依個拼盤有三款芝士托米諾 (Tomino)、芳提娜 (Fontina)、巴馬臣 (Parmesan) 芝士，每款形狀同口感、濃味都唔同，有粒狀、融化、塊狀。我特別鍾意軟身一塊塊嗰隻，咬落好似淡香又有咬口，仲可以自由配搭桃乾、杏仁同迷你麵包。
💐🍤 麻炸南瓜花配意式汁
呢碟菜式好似日式天婦羅，外脆內軟，入面仲釀咗啲類似咖哩醬既，少少辣味，冇油膩感又好香口，食完一件又一件。
🍄焗蘑菇配托米諾芝士及羅勒香草 $78
(Cremini Mushroom with Tomino & Basil Pesto)
每粒磨菇都釀左馬蘇里拉芝士、橄欖同香草醬，香味濃郁而且口感豐富，以下面就有香草蕃茄醬和芝士碎，味道就比較酸，可以按需要沾醬。
🧆 意式焗肉丸 $68
(Meatballs & Bolognese)
菜式外觀上同焗蘑菇有啲相似，烤焗豬肉丸配以香辣番茄牛肉醬及白汁，肉質比較軟身，保留咗肉汁嘅鮮甜。
🍩🍫 Nutella 朱古力榛子醬配以香軟麵包球
呢個麵包球賣相都幾得意，搭起上嚟好似金莎朱古力廣告咁，但口感冇想像中咁軟身，如果朱古力醬樣釀喺入面就好啦。
🍷🍺
依個set可以任點菜單中有glass選擇既酒類，我特別鍾意佢嘅香檳Prosecco，金黃色嘅有汽葡萄酒，微甜且帶有少少桃嘅香味，中和左其他食物嘅油膩感。
另外點左焗香草沙甸魚 (Baked Sardine with Anchovy & Herb Breadcrumbs) 同蒜蓉牛油辣青口 (Garlic Butter Mussels)，味道冇想像中咁咸同辣，都係唔錯既前菜，就唔係到重點介紹啦~
張貼
