影片
更多
2017-10-24
162 瀏覽
呢間位於金馬倫道嘅【 十和田總本店】，主打由資深嘅嘅日籍廚師主理嘅壽司， 食材大多都由日本空運到港， 務求令客人食到日本風味。餐廳裝修簡約，淺色嘅木製傢俬， 感覺清新。 餐廳用咗ipad嚟點菜， 點咗乜野壽司都一目了然。喺食壽司之前嗌咗一個，非常有特色嘅沙律，《蟹膏沙律》$68， 呢個沙律雖然其貌不揚，但卻非常好食， 味道回甘，令人食過返尋味 。 沙律用上新鮮嘅生菜， 食落非常爽口且清甜，上邊淋上甘香嘅蟹膏，食落帶有鹹香之餘， 亦能品嘗到蟹膏嘅鮮味。 誰不知， 蟹膏下面原來佈滿大量嘅蟹肉， 配合埋非常新鮮嘅生菜，集「鹹香」、「鮮味」、「甘甜」於一身。另外亦叫咗個《海貝壽司拼盤》$228， 呢個拼盤嘅壽司， 全都係貝殼類海鮮， 每款海鮮刺身都各有特色。左下角：【帆立貝壽司】， 貝柱肉質彈牙爽口，味道鮮甜，夠厚實。下左二：橙紅色的【赤貝壽司】口感爽身，咬落爽脆，每口滲出淡淡嘅海水鹹鮮， 成為我其中一款最喜愛的壽司。下左三：【北寄貝壽司】， 今次食到嘅活北寄貝壽司同平時見到嘅紅色北寄貝略有不同， 除咗顏色為深紫色之外，口感亦較軟滑、爽口， 一啲都唔靭，同平時嘅平價北寄貝嘅橡膠口感大大不同。右
餐廳裝修簡約，淺色嘅木製傢俬， 感覺清新。 餐廳用咗ipad嚟點菜， 點咗乜野壽司都一目了然。
喺食壽司之前嗌咗一個，非常有特色嘅沙律，《蟹膏沙律》$68， 呢個沙律雖然其貌不揚，但卻非常好食， 味道回甘，令人食過返尋味 。 沙律用上新鮮嘅生菜， 食落非常爽口且清甜，上邊淋上甘香嘅蟹膏，食落帶有鹹香之餘， 亦能品嘗到蟹膏嘅鮮味。 誰不知， 蟹膏下面原來佈滿大量嘅蟹肉， 配合埋非常新鮮嘅生菜，集「鹹香」、「鮮味」、「甘甜」於一身。
蟹膏沙律
$68
14 瀏覽
0 讚好
0 留言
另外亦叫咗個《海貝壽司拼盤》$228， 呢個拼盤嘅壽司， 全都係貝殼類海鮮， 每款海鮮刺身都各有特色。
海貝壽司拼盤
$228
14 瀏覽
0 讚好
0 留言
左下角：【帆立貝壽司】， 貝柱肉質彈牙爽口，味道鮮甜，夠厚實。
下左二：橙紅色的【赤貝壽司】口感爽身，咬落爽脆，每口滲出淡淡嘅海水鹹鮮， 成為我其中一款最喜愛的壽司。
下左三：【北寄貝壽司】， 今次食到嘅活北寄貝壽司同平時見到嘅紅色北寄貝略有不同， 除咗顏色為深紫色之外，口感亦較軟滑、爽口， 一啲都唔靭，同平時嘅平價北寄貝嘅橡膠口感大大不同。
右下角：【活鮑魚壽司】， 鮮鮑魚清洗得非常乾淨，鮑魚裙邊被擦得一塵不染，活鮑魚嘅口感較為爽脆， 咬落索索聲， 最能夠品嚐到海水嘅味道。
右上角：【蠑螺壽司】，蠑螺肉口感就最為煙韌，食落有噍頭。
上左三：【象拔蚌壽司】， 新鮮嘅象拔蚌表面光滑，肉質爽口， 味道亦非常甜美。
上左二：【鳥貝壽司】，味道較為淡身，細嚼之下慢慢滲出鮮甜味。
左上角：【平貝壽司】，平時較為少機會食到呢款平貝刺身，感覺較為陌生， 原來平貝即係我哋平時所食到嘅帶子， 貝柱肉質較為鬆散， 不過味道亦同樣鮮甜。
每款嘅海產貝類壽司各有特色， 一次過可以品嘗到多款嘅貝類壽司， 可以認真地作出比較， 細嚼之下， 真的能感受到每款貝類壽司嘅獨特性，讚~~
張貼
