CHIMAC (QRE Plaza)

營業中

休息中

返工放午飯食啲咩都係幸福嘅煩惱，想食啲香口邪惡美食，同同事去咗食韓國炸雞。餐廳行外賣路線為主，堂食嘅座位唔多，好彩今次趁早去到。🤣半半口味炸雞雞腿肉 可以選擇兩種味道，有幾多選擇，蜜糖、醬油等等，芝士同白洋蔥醬炸雞，雞腿肉無骨，細細件，但係啖啖肉同每款約有8 件。 芝士口味超多芝士粉，偏重口味。個人會鍾意白洋蔥醬多啲，醬汁同炸雞比例適中。 炸薯條偏粗身，尚算脆口。 泡菜炒飯帶輕微辣，加入腸仔、紫菜同蛋，正常水準。