華記潮州滷水車仔麵

營業中

休息中

住喺附近，成日見到好多人排隊，今日終於都可以試到滷水車仔麵，又真係幾特別，仲有滷水牛雜麵同埋滷水豬雜麵，有辣有唔辣，好多選擇呀！滷水豬雜麵好特別啊，一上枱好大碗啊，上面鋪滿芫荽，好少見車仔麵有豬仔麵食，好多餸啊，有豬膶豬耳等等，我嗌咗小辣，夠晒嘢味，啲湯又幾好飲喎，，如果鍾意食豬嘅朋友一定唔好錯過！三餸車仔麵叫佐，冬菇豬皮鮮魷魚，豬皮入晒味又夠腍，最窩心嘅就係啲面可以揀淋麵或者硬面，又可以走蔥仲有辣汁腩汁等等好多選擇！煎釀三寶最鍾意街頭小食，可以坐低慢慢舒舒服服食！太陽餅煎太陽餅，個名咁特別原來係炸蝦餅，好食呀，炸到外面脆卜卜入面又有蝦肉😆