Su Casa (已搬遷) 新店位置

週末晚上與友人到訪，失望離開。🤥食物：雜菜湯及蒜茸包、青口蒜香羅勒扁意粉、煙三文魚蘆筍意大利飯、凍菠蘿奇亞籽綠茶【優點】- 餐廳好大間，可以任揀位，座位好鬆動- 餐廳準備極多小禮物照顧兒童，眼見有蠟筆畫畫、汽球、扭蛋，侍應亦非常主動關心小朋友，十分適合想襯食飯休息下嘅父母🫡【缺點】- 餐廳客人唔多，但主菜上菜速度比預期慢- 超港式西餐風格：🥣雜菜湯好濃「茄膏味」🍝扁意粉第一碟不能接受，係烚青口+蒜粒+三色椒+烚意粉，反映過後侍應堅持換第二碟，第二碟見得返羅勒葉，少咗唔關事嘅三色椒，但味道依然一般🍚意大利飯變成白汁湯飯，煙三文魚全熟混入湯飯中🍹飲品用奇亞籽本應係想sell健康(?)，但太多菠蘿醬，極甜【小結】埋單人均一百七十，各人有各自標準，呢個價錢配呢個食物質素，唔係親子嘅我就不接受了。