209
7
3
港鐵石門站 C 出口, 步行約1分鐘 繼續閱讀
電話號碼
28825000
開飯介紹
位於沙田區的西餐廳,環境舒適,且位置寬敞,提供傳統西式菜餚,亦有多國菜。特別推介白酒羅勒忌廉紐西蘭青口。餐廳設有多款兒童餐,更為小孩提供畫紙畫筆。 繼續閱讀
營業時間
今日營業
12:00 - 21:00
星期一至日
12:00 - 21:00
*最後下單時間 20:30
付款方式
Visa Master 現金 八達通 銀聯
座位數目
100
其他資料
支持防疫 詳細介紹
網上訂座
Wi-Fi
酒精飲品
泊車 詳細介紹
賞訂座積分
外賣服務
有關獎賞計劃
食評 (247)
等級2 2020-10-20
0 瀏覽
小朋友要喺石門學跆拳道,就試下附近嘅餐廳,見環境唔錯乾淨企理就揀咗尼間。因為小朋友要食飯所以揀咗鰻魚玉子炒飯。嘩~估唔到咁大碟,分量足夠兩個大人。我哋仲叫左牛肩扒,以$158黎講,好抵食,肉質juicy又有牛味。之後+$18要Latte,雖然$18好d貴,不過好過去Starbuxxx 要$3x, 真心覺得唔錯,重點係尼道好有抗疫意識,入門口就遞搓手液比你,坐底又遞紙袋比你放口罩,真心講有好多餐廳都做唔到咁既服務。值得支持,加油 💪 繼續閱讀
(以上食評乃用戶個人意見 , 並不代表OpenRice之觀點。)
等級2 2020-10-15
101 瀏覽
京瑞廣場有個很不錯的PLAYHOUSE, 今日帶小朋友黎玩。透過OPENRICE訂左呢間餐廳LUNCH, Su Casa係一間兒童友善餐廳, 佢地預備左填色紙顏色筆比小朋友油顏色又送貼紙, 好少餐廳咁有心。我哋冇影低到Menu,上網睇返,餐廳星期日提供既套餐叫"Holiday Special", 套餐包括是日餐湯,蒜蓉包同一杯菠蘿有機奇亞籽綠茶。(睇返張menu仲有一個自家制甜品,但無比到我地❌)我哋另外加配左$48生蠔。主菜叫左西班牙辣肉腸什菌菠菜意大利飯同軟殼蟹明太籽忌廉扁意粉。生蠔 - 新鮮好味。是日餐湯 - 我地估係椰菜花忌廉湯, 味道普通。蒜蓉包 - 我地無食, 兩塊都比我仔據為己有, 味道應該不錯。菠蘿有機奇亞籽綠茶 - 非常好飲, 甜度適中, 食到菠蘿粒粒。西班牙辣肉腸什菌菠菜意大利飯 - 味道麻麻, 唔夠味, 重點係我食到好大陣芝士既騷味。軟殼蟹明太籽忌廉扁意粉 - 呢個非常滿意, 忌廉味道濃郁, 軟殼蟹新鮮即炸, 外層酥脆啖啖肉, 一個人食曬成碟真係非常邪惡。                   繼續閱讀
(以上食評乃用戶個人意見 , 並不代表OpenRice之觀點。)
等級1 2020-10-10
258 瀏覽
食物質素對唔起個價錢!侍應一副收工樣,未食完就收碟!餐飲由一開始落order, 到上甜品先到!真係冇下次!唔係住附近,唔洗專登過嚟食🥱石門有大把選擇,呢間真心麻麻⋯⋯ 繼續閱讀
(以上食評乃用戶個人意見 , 並不代表OpenRice之觀點。)
以西餐廳而言,set dinner 價錢頗便宜,但仍然不值這個價,食物太難吃cp值極低我們二人叫了兩個set dinner 和鴨肝多士,只有飲品味道正常。鴨肝多士:鴨肝多士overcook,沒有油香味,而多士不脆並且很乾,像放了一個星期。黑松露意粉: 廚師好像把鹽和糖掉轉了,意粉甜得像甜品加了一大堆芝士粉都蓋不了那陣甜味,令整個菜式味道太奇怪,不推介!亦欠缺黑松露香,無需要用百幾蚊去食香蒜白酒蜆肉意粉: 試完黑松露意粉,本身已經對白酒蜆肉意粉冇期待。但估唔倒,在沒有期待的情況下竟然還會失望蜆肉臭,意粉像白烚一樣我們馬上跟餐廳反映説完全沒味道,之後換了一盤。但是意粉還是很乾,味道像吃水煮意粉,真的沒有下次是日甜品: 一放進口便知是用最便宜的朱古力製作,毫無誠意。蛋糕味道死甜,口感差,忌廉發得不夠。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-09-30
324 瀏覽
放工朋友約附近食飯,去左呢間西餐廳。環境光猛鮮明,set dinner 送西湯,蒜蓉包,包一杯指定野飲(菠蘿奇亞子綠茶)同甜品。我叫左個龍脷柳魚($188),朋友叫左黑松露野菌意粉($138),再加$48 兩隻生蠔(廚師指定)。其實呢個價錢有曬頭盤呀 甜品甘,叫做全包。黎到朋友個意粉份量正常,但一啲黑松露味都聞唔到,我碟魚就奇少,諗住厚切一塊或者薄切都有兩塊,點知得一塊好薄,少量薯條同菜....係呢個份量少得可憐,$188 我仲有啲期望...宜家變做失望。好在無叫扒食,一定對唔住個價。因為收工之前食咗個細cake , 唔係一定唔夠。生蠔叫得廚師精選,當然比啲細細隻嘅你,好一般, 叫做試下甘。個甜品唔掂,比普通雪糕都好過呢個cake ... 一啲都唔好食, 見到評價咁高以為都好有水準,點知非常 非常一般,只可以話係正常西餐,但對唔住呢一個價錢。另外,座既空間位置夠,不過張枱好細,如果叫多樣小食都唔夠位擺。一定唔會推薦食,無謂曬錢去試,去沙田新城市食好過.....只針對食物同價錢,服務態度好好,值得一讚! 繼續閱讀
(以上食評乃用戶個人意見 , 並不代表OpenRice之觀點。)