更多
2020-06-18
94 瀏覽
呢間主打日式火鍋放題嘅餐廳,下午有午餐供應。午餐有不同款式嘅日式便當及刺身定食可供選擇,一共有22款午餐俾你揀,套餐免費配汽水,供應時間由11:30至下午2:30。餐廳會先量體溫,然後安排入座。午市相當多人,要排一陣隊先有位。天氣太熱,所以揀咗刺身定食。定食包麵豉湯、前菜、茶碗蒸及汽水。揀咗海幸丼$118,有三文魚、赤身、油甘魚、島池、甜蝦、三文魚籽及帶子(跟住餐牌打!)。刺身勝在款式多,每樣有一片。季節刺身定食$128,今日係三文魚、吞拿魚、三文魚籽、魷魚及池魚。每樣有兩片。我鍾意茶碗蒸,味道唔錯,蛋夠滑又夠熱。麵豉湯都夠濃郁。
張貼