影片
更多
2020-03-01
1102 瀏覽
大食嘅我其實真係好鍾意食放題，加上近年嘅放題質素好咗好多，俾二百幾蚊就食到飽哂😛。如果去居酒屋嗌同一份量嘅食物，應該要雙倍價錢。呢晚同朋友去咗瓊華食放題，餐廳近期做緊九折優惠，更加抵。事不宜遲，即刻點嘢食！點餐紙起碼有成十版以上，花多眼亂，但反正任叫，想食就嗌囉😊。不過今日張枱細啲，唯有逐啲逐啲嗌啦。其中重點講幾樣好食嘅😋！第一位係燒紐西蘭香草羊鞍，呢個真係勁高質。🐑羊鞍應該係落單後即燒，所以等左比較耐先有得食。肉質非常嫩，生熟度啱啱好，而且羊羶味亦都恰到好處，用上香草🌿調味超正。每人食咗三件，平日出面串燒店食一件平極都$38啦，食多件已經回本啊！另外，炸物亦都相當唔錯，特別係吉列廣島蠔🤤，廣島蠔肥美，而且唔腥。炸鮮蝦雲吞同芝士薯球都OK，因為係熱辣辣炸起。食放題又點少得刺身呢？我哋每款都嗌咗啲，除咗今日無北寄貝外。刺身都幾新鮮，而且係厚切，唔會因為係放題就變得孤寒👍。鍾意食壽司嘅我，亦都食咗好多嚿🍣！餐廳唔會諗住整到舊飯大大嚿塞飽你，相反係比平日迷你啲。我推介醬燒三文魚壽司同埋炙燒蒜香和牛壽司。鐵板雪花牛柳粒🐮都唔錯，幾Juicy，配埋蒜片食好夾。最後我哋仲食咗牛肉火鍋添🍲！依個係二
事不宜遲，即刻點嘢食！點餐紙起碼有成十版以上，花多眼亂，但反正任叫，想食就嗌囉😊。不過今日張枱細啲，唯有逐啲逐啲嗌啦。
其中重點講幾樣好食嘅😋！第一位係燒紐西蘭香草羊鞍，呢個真係勁高質。🐑羊鞍應該係落單後即燒，所以等左比較耐先有得食。肉質非常嫩，生熟度啱啱好，而且羊羶味亦都恰到好處，用上香草🌿調味超正。每人食咗三件，平日出面串燒店食一件平極都$38啦，食多件已經回本啊！
燒紐西蘭香草羊鞍
12 瀏覽
0 讚好
0 留言
另外，炸物亦都相當唔錯，特別係吉列廣島蠔🤤，廣島蠔肥美，而且唔腥。炸鮮蝦雲吞同芝士薯球都OK，因為係熱辣辣炸起。
吉列廣島蠔
12 瀏覽
0 讚好
0 留言
食放題又點少得刺身呢？我哋每款都嗌咗啲，除咗今日無北寄貝外。刺身都幾新鮮，而且係厚切，唔會因為係放題就變得孤寒👍。
鍾意食壽司嘅我，亦都食咗好多嚿🍣！餐廳唔會諗住整到舊飯大大嚿塞飽你，相反係比平日迷你啲。我推介醬燒三文魚壽司同埋炙燒蒜香和牛壽司。
鐵板雪花牛柳粒🐮都唔錯，幾Juicy，配埋蒜片食好夾。
鐵板雪花牛柳粒
5 瀏覽
0 讚好
0 留言
最後我哋仲食咗牛肉火鍋添🍲！依個係二人份量，大小適中，上面打咗隻蛋，下面有唔少肥牛、蔬菜同粉絲，個湯甜甜地，幾正。
牛肉火鍋
8 瀏覽
0 讚好
0 留言
放題好抵食嘅一個賣點就係一人有一杯名牌雪糕🍨！超市減價都廿蚊杯啦。
除咗雪糕，其實仲有個甜品櫃，都有唔少選擇🧁。
飲品櫃有茶、汽水🥤同啤酒🍻等等。
另外，自助吧亦都有前菜🥗同熱食🥘等提供！當中有我好鍾意食嘅腐皮同中華沙律😊。
總括嚟講，我覺得放題真係好抵食，又好啱我，因為可以放肆咁食同飲，唔使計住計住🙈。最重要嘅係食物質素無因為任食嘅關係，而變得唔好食、唔新鮮！所以餐廳能夠喺逆市中仍有唔少食客幫襯係有原因嘅👏。
張貼
