SuperNormal (淘大商場2期)

營業中

休息中

淘大睇完戲，正諗緊食咩好嘅時候，經過喺金滿堂隔離嘅SuperNormal。之前都食過幾次，確實係一間高質素嘅西餐廳，而且喺九龍灣都頗有人氣。今晚我就俾佢哋嘅新餐牌再次吸引咗我入去幫襯。芥末燒牛肉沙律一個好清新嘅沙律。沙律菜配上芥末黑醋汁，兩者味道好平衡。再加上薄切牛扒片，唔會好heavy，又唔會話成日都係配煙三文魚咁悶。柚子麥啤浸脆皮德國咸豬手依隻豬手，如果唔係大胃王，真係唔好諗住人個人食。外皮勁香脆，淡淡柚子麥啤味，豬手唔覺得咸，亦唔會覺得乾。不過豬手嘅威力、在於食得太多會覺得好飽好膩，餐廳都好清楚依點，所以配返個芥末蜜糖醬俾大家。Pow Wow一杯好好飲嘅Cocktail，主要係菠蘿、士多啤梨同冧酒。味道偏甜，頗易入口。杯子亦都相當鬼馬，唔錯。