綠茵閣 (已結業)

今次係第二次黎食，佢宜家做緊七五折優惠所以都係四百蚊一個人。同所有buffet一樣都有分熟食，沙律，甜品同刺身。不過，刺身種類比較少，得幾款，三文魚較為新鮮，其他略微比較淡味。熟食包括串燒，串燒羊架非常入味亦多肉汁。佢當中有三個special:巨型西班牙海鮮飯，特長威靈頓牛柳同大籠蒸龍躉 。龍躉數量比較小，排左一輪已經派完。而牛柳略嫌煮得太耐有啲老。最後，甜品黎講 果然係大家講既拿破輪最好味，又脆又唔算太甜。