淼屋

營業中

休息中

喺社交媒體網站見到廣告，好似幾好，所以叫啲friends一起去試下啦。食到一半已經覺得對唔住我啲friends😖😖😖！去到得我哋一張枱，即刻覺得瀨嘢。之後全晚都剩係得我哋一張枱，果然瀨晒嘢！完全冇服務之餘，啲嘢食質素勁麻麻。所謂嘅和牛，肥到一半都食唔到嘅，Donki買都好過佢！呢個價錢，大把選擇，絕對不會係尼間！壽喜燒所謂嘅放題，追加時段大概半個鐘，煮一輪咁上下了！頭一輪追加，d嘢冇來齊，問佢就好似聽唔到咁。之後冇再俾我哋追加餐牌，我哋禮貌性問係唔係可以追加，佢答，9:15前都可以，就走開咗😓😓😓 我哋唯有叫佢返來問攞追加餐牌… 全晚最勤力就係9:50pm過來話10點前要我哋買單，我隨口問佢幾點close，佢話10點。10點準時趕我哋走。雖然我哋絕對唔會再嚟幫襯，但我諗間嘢都好快執嘅了。大家想中伏嘅就不妨試下了😤😤😤