瘋鳥 (已結業)

午餐時段黎左呢間CAFE試下，點左兩個SET LUNCH 每SET$50-$60免加一仲包一壺茶好抵 (或者+$5轉BLACK COFFEE/LATTE)。我地叫左個西蘭花煙三文魚意粉，粉量都OK，係CREAM SAUCE唔太夠，令個意粉有少少乾身。另外再叫左個菠菜蘑姑意粉(素食)。呢個驚喜好大，菠菜汁好好味，自己覺得好少素食意粉健康得黎又咁好食。餐飲叫左荔枝玫瑰茶。聞落去好香荔枝味，反而玫瑰味較少。飲落味道都唔錯，比較淡但都有淡淡花香味。不過茶嘅款式唔太多同埋唔算特別，如果多啲花茶選擇或者會更吸引另外，環境裝飾都好有心思，好靚，而且好靜，適合幾個朋友傾下計RELAX一下。而且我同朋友傾耐左，店員好好，我飲完一壺茶都肯幫我加多一壺熱水，咁同朋友就可以繼續喺度RELAX，配埋舒適環境放鬆心情。