265
46
8
港鐵長沙灣站 A2 出口, 步行約5分鐘
繼續閱讀
營業時間
*最遲下單時間: 21:30
星期一至五
12:00 - 23:00
星期六至日
11:00 - 23:00
以上資料只供參考, 請與餐廳確認詳情
食家推介
-
三重芝士炸蝦pizza
-
鹽酥菇
-
啤酒炸魚配美國薯條
-
芝士薯波
-
荔枝玫瑰茶+20
相關文章
📍瘋鳥， 長沙灣 Cheung Sha Wan平日晚上7 點已經滿座！！ 懷舊木系嘅環境幾特別。🐷🥗香茅豬扒沙律 $68豬扒外皮脆 肉質夠軟。配埋沙律菜一齊食其實都幾飽😂😂🐟🍟啤酒炸魚配美國薯條 $78全部岩岩炸起非常夠熱👍🏻 炸魚層炸粉夠薄， 咬落魚塊照juicy 😍 薯條係偏厚身，好有口感。🦐🍚 蕃茄海鮮意大利飯 $86有蝦 青口 魷魚。 蕃茄底炒得好均勻。飯係偏硬身， 個人鐘意軟身多啲😆🍫🍹Oreo mocha smoothie $55超濃有少少苦澀嘅朱古力味。 勁多冰好凍 ，岩晒夏天飲。可能樓底偏矮，所以滿座果時都有少少嘈。整體價錢合理會再黎💪🏻
繼續閱讀
1️⃣ 蜂蜜芥末牛角包 $45🤍 4/5🌩 牛角包形狀比較特別，唔係平時見開尖尖長長嗰種🤔個人幾鐘意呢款橢圓形嘅，食極都有料，唔會尾尾嗰啲尖位時得個齋包🤣🌩 酥皮嘅程度同一般食開嘅牛角包切落去勁脆，食落仲熱辣辣而且好有層次感🌩 煙肉同玉子燒都好香口，甜咸甜咸配埋蜜糖芥末醬好match，仲有片生菜中和返油膩感😌好食🤩🌩 沙律份量好多👍🏼配埋個sauce酸酸地好好味😋2️⃣ & 3️⃣ 洋金菊茶 ＆ 荔枝玫瑰茶（跟下午茶)🤍3.5/5🌩 用個茶壺仔裝住可以慢慢倒出嚟飲，幾有格調😌🌩 2款茶都係茶包沖嘅，洋金菊茶較芳香温和，荔枝玫瑰飲落較清新可口，個人比較鍾意洋金菊嗰款☺️
繼續閱讀
朋友見呢間啲食物幾吸引，所以就選擇呢間餐廳。個日平日放工夜晚7點幾到餐廳，樓面唔多客人，大約八點打後人流先多。餐廳環境舒服，好適合幾個朋友相聚聊天。而且提供書本和產品，給客人購買閱讀。我哋叫咗三道菜，一個前菜一個主菜一個甜品。兩個人份量啱啱好。前菜我哋叫咗個牛舌，一碟有三片，份量雖然唔係好多，不過每塊都大 。牛舌上面有啲黃色芥末，感覺幾新鮮。但係食落去個感覺同味道好似食緊午餐肉咁🤣🤣主菜叫咗個炸蝦pizza。炸蝦總共有四條，而且炸到鬆脆唔油膩，size 都幾大條。Pizza皮幾鬆脆，醬汁係千島醬，同炸蝦好夾😋最後甜品因為本人幾鍾意食窩夫嘅甜品，所以見到餐牌就即刻叫咗個。佢個朱古力麻薯窩夫非常之有驚喜。右面係滿滿嘅麻薯口感非常豐富煙韌。朱古力味都非常濃。窩夫上會有啲生果同埋忌廉，食落唔會好乾。食完想再食多次，同埋會試吓其他口味！總括而言呢間餐廳環境食物都幾好，價錢都唔太貴，值得推介👍🏻
繼續閱讀
有朋友住附近，所以好幾年前已嚟過呢間餐廳，當時附近仲未有太多文青cafe，所以呢間店算好亮眼，裝潢有味道，菜式特別。我記得食過佢哋嘅腐乳意粉，好驚喜。有時叫個素嘅意粉，配菜都好好味道。相隔一段日子再來，卻有點失望。Menu上搵唔到特別想叫的。叫咗個蕃茄汁+肉腸嘅意粉 配玫瑰茶味道好普通，就是自己都煮到種程度。茶也是淡淡的。同佢個環境有啲似，好清靜。餐廳在內街，同同區其他排到勁長龍嘅 cafe 相比，佢價錢唔算貴＋環境 okay. 區內街坊去下無妨，仲幾 chill添，如果食物質素可以 keep 返以前水準就更好了。題外話，啲侍應唔知係咪太後生，好多都木口木面，或者會聚喺水吧嗰邊傾偈。無覺得服務特別好.
繼續閱讀
友人放假，特登出九龍搵我食晚飯，而佢又深知我係PIZZA愛好者，所以上網見到唔少人推介呢間CAFÉ小店既芝士PIZZA，少有地提出建議，咁我當然接納啦😏。餐廳無DINNER SET，全部都係散叫，食客可以自由配搭，價錢唔算貴。我同友人都係大食鬼😆，點左兩個主食、一個PIZZA、兩杯飲品。由於點左主菜，飲品可減$20，分別點左Cappuccino補$15、荔枝櫻花茶補$18前者係全餐最好味既野😋，咖啡好香、唔會太濃太刺激，夜晚飲都唔會怕瞓唔著；後者荔枝味好濃，不過好甜。炸魚薯條 $78唔知係咪油溫唔夠🤔，上枱果陣魚同薯條都好油。魚肉好滑、唔腥、亦有魚味，本身已經調左味好夠鹹，唔點他他醬都OK。不過作為一個主菜，我覺得薯條既份量少左D😐。手作牛肉玉子漢堡 $80平時食Burger最怕太厚太濕，但呢個漢堡完全無呢個問題。漢堡扒夠厚身，紫洋蔥脆甜，可惜玉子蛋存在感太低，漢堡扒有汁唔乾，但口感真係唔OK，好淋好鬆散，好似魚蓉😣。三重芝士炸蝦PIZZA $115本身自己係芝士控，所以對呢個PIZZA滿懷期望。老實講上枱果陣係幾靚，不過味道真係麻麻😥，芝士薄薄一層、好少、而且唔濃味，食落只有茄醬味…..有炸蝦既位置就明顯好味D，有微微既蝦味，脆脆既口感。總結，食物味道麻麻，但勝在價錢唔算貴，無限時，嘆住咖啡，傾下偈，都算係一個唔錯既選擇。
繼續閱讀