和氣食堂 (黃大仙中心南館)

營業中

休息中

今日係黃大仙中心買完野搵野食填肚，見到呢間和氣食堂門面都幾有日式居酒屋既味道，menu又幾多選擇，於是決定試吓。攞完籌等咗一陣就可以入座喇，店內環境簡潔乾淨，座位都坐得舒服。睇完menu糾結後我叫咗個辛味小柱貝三文魚粒粒丼，刺身唔算特別新鮮，正正常常咁，飯就比較失色，無乜醋味，好似普通飯咁要加啲醬油先叫有返啲味。朋友叫既溫泉玉子豚肉生薑燒丼，豚肉份量都算多，不過朋友話味道較淡。反而另一位朋友叫既黑豚腩燒丼就唔錯，我試咗一片豚腩，肉質都幾嫩滑同夠入味。整體來講，今晚試既食物就普普通通，不過不失咁，不過都差唔多成舊水一個飯，值得有更佳質素。