Green Waffle Diner (形點) (已結業)

疫情之前成日過嚟tea time，呢幾日嚟食左次，愈來愈差呢間野，不會再有下次！首先講服務，入面明明好多枱空，企係門口都冇催佢地，等左十分鐘侍應們望到繼續冇人理掛住吹水。入到去落單，揮極手冇人理，繼續吹水，之前已經嚟食左好多次，見冇人理咪叫老細落單囉，點知黑面仲要冇禮貌到不得了，落完叫我 : 下次自己用qr code落單啦！哈，入座冇人講，既然好意思收人10%仲叫人自己落單，西利，真係自助都冇咁嬲！tea time冇乜人，waffle唔係即整都算啦，嚟到仲要硬到呢。ok，當我唔好彩 ！咁飲咖啡，叫左一杯latte同一杯熱美式。哇！又酸又澀，奶又唔夠熱又唔夠滑，真係唔知係佢唔識沖定我唔識飲，哈！疫情之前沖咖啡個妹妹沖得好好飲又nice，最近呢幾次嚟先發現佢已經冇做，本身都係因為佢所以成日黎，而家佢冇做就更加唔洗嚟！食物唔講，淨講服務態度已經離曬譜，極度懷疑佢嘅好評係咪刷出嚟！