0
0
2
等級4
208
0
2015-09-10 526 瀏覽
乜嘢葫蘆賣咩藥?京品會?乜東東?途經大角咀,偶見街邊有個小廣告牌,一𣊬間就俾個夾餅吸咗睛!嘩,好似好好味咁!所以就決定搵嚟試一試啦!嚟到大門口⋯嘩!門面裝飾好「老臨」⋯門頂大大隻寫住夾饃餡餅、羊肉專門台!仲貼住張放大咗嘅合照相~蔡蘭!由門口望入去,仲見到牆上大大隻乜鬼天山雪蓮⋯感覺很不良好!喺門口諗左諗,結果都係入去試一試究竟龍定鳳?!店內地方相當狹窄,冇裝修!右手係開放式廚房,左手係走廊,仲擺左兩張雙人摺檯仔,行入少少就有兩張大啲啲嘅圓檯。午飯時間,只有一家四口喺度用緊餐,兩大人兩小朋友。牆上都貼左好多食物嘅相片,影出嚟都幾吸引!係牆上用紙逐個字貼上牆嘅「天山雪蓮」特別礙眼,𣊬間好似入左啲大陸黑店一樣⋯好忐忑⋯反正都坐低左,就試一試味先啦!可能卧龍藏龍呢!落單嘅應該係老細,因為同蔡蘭合照嗰個正係佢!首先我同朋友都各要一個茴香牛肉夾餅⋯跟住⋯單都未落完,老細竟然唔聲唔聲行開左⋯厄⋯點做生意呀?好唔容易叫返佢埋嚟,要多個擔擔麵同一口孜然羊肉。本嚟想叫兩罐汽水⋯但雪櫃就喺隔離⋯空的!!擺左兩袋用膠袋袋好嘅不明物⋯仲有其他雜物⋯好似垃圾崗嘅不良感覺⋯由於係開放式廚房⋯睇到廚房整體擺放好凌亂,
更多
乜嘢葫蘆賣咩藥?京品會?乜東東?
途經大角咀,偶見街邊有個小廣告牌,一𣊬間就俾個夾餅吸咗睛!嘩,好似好好味咁!所以就決定搵嚟試一試啦!
36 瀏覽
0 讚好
0 留言


嚟到大門口⋯嘩!門面裝飾好「老臨」⋯門頂大大隻寫住夾饃餡餅、羊肉專門台!仲貼住張放大咗嘅合照相~蔡蘭!由門口望入去,仲見到牆上大大隻乜鬼天山雪蓮⋯感覺很不良好!喺門口諗左諗,結果都係入去試一試究竟龍定鳳?!
44 瀏覽
0 讚好
0 留言


店內地方相當狹窄,冇裝修!右手係開放式廚房,左手係走廊,仲擺左兩張雙人摺檯仔,行入少少就有兩張大啲啲嘅圓檯。午飯時間,只有一家四口喺度用緊餐,兩大人兩小朋友。牆上都貼左好多食物嘅相片,影出嚟都幾吸引!係牆上用紙逐個字貼上牆嘅「天山雪蓮」特別礙眼,𣊬間好似入左啲大陸黑店一樣⋯好忐忑⋯

反正都坐低左,就試一試味先啦!可能卧龍藏龍呢!落單嘅應該係老細,因為同蔡蘭合照嗰個正係佢!首先我同朋友都各要一個茴香牛肉夾餅⋯跟住⋯單都未落完,老細竟然唔聲唔聲行開左⋯厄⋯點做生意呀?好唔容易叫返佢埋嚟,要多個擔擔麵同一口孜然羊肉。本嚟想叫兩罐汽水⋯但雪櫃就喺隔離⋯空的!!擺左兩袋用膠袋袋好嘅不明物⋯仲有其他雜物⋯好似垃圾崗嘅不良感覺⋯

由於係開放式廚房⋯睇到廚房整體擺放好凌亂,由此可見大廚老細冇條理!講嚟講去都講緊個老細!係,間鋪得佢一個⋯⋯

講左咁耐,講下食物先⋯
20 瀏覽
0 讚好
0 留言

唔記得係叫四川定新疆擔擔麵,總之唔係上海。除左有麵之外,仲有啲青瓜絲,同秘制辣肉碎。個樣整出嚟都好似ok,一試入口⋯個湯好嗆口,但味道層次欠奉,麵質較硬身,秘制肉碎真係幾辣下,但味道麻麻地,碗麵愈食愈油。

一口孜然羊肉
21 瀏覽
0 讚好
0 留言

Size真係一口一件,但肉質好乾,羊肉好騷,孜然味淡,淡到被羊騷味切底覆蓋。

最後嚟到牛肉夾餅⋯
31 瀏覽
0 讚好
0 留言

強烈控告!與相片不乎得好嚴重!說好得爆牛呢?夾餅係就係煎到好香,但牛肉呢?仲薄過搽牛油囉!!味道⋯中伏!
30 瀏覽
0 讚好
0 留言


仲大膽試飲左店內免費提供嘅天山雪蓮茶⋯may左兩啖⋯乜嘢爛鬼天山雪蓮?好補藥黨囉!好難飲,冇味好淡,我情願飲普通嘅茶就算!

店內環境好差!烏蠅5-6隻不停喺面前飛嚟飛去,抽氣系統差!成身焗到好大陣味⋯

乜鬼嘢爛店?冇誠意冇制作冇裝修冇服務!食物圖片純粹參考!強烈搵笨!唔想中伏,最好唔好接近⋯阿門。


(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食