影片
港鐵奧運站 C1 出口, 步行約6分鐘
繼續閱讀
營業時間
星期一至日
11:00 - 22:30
以上資料只供參考, 請與餐廳確認詳情
乜嘢葫蘆賣咩藥？京品會？乜東東？途經大角咀，偶見街邊有個小廣告牌，一𣊬間就俾個夾餅吸咗睛！嘩，好似好好味咁！所以就決定搵嚟試一試啦！嚟到大門口⋯嘩！門面裝飾好「老臨」⋯門頂大大隻寫住夾饃餡餅、羊肉專門台！仲貼住張放大咗嘅合照相～蔡蘭！由門口望入去，仲見到牆上大大隻乜鬼天山雪蓮⋯感覺很不良好！喺門口諗左諗，結果都係入去試一試究竟龍定鳳？！店內地方相當狹窄，冇裝修！右手係開放式廚房，左手係走廊，仲擺左兩張雙人摺檯仔，行入少少就有兩張大啲啲嘅圓檯。午飯時間，只有一家四口喺度用緊餐，兩大人兩小朋友。牆上都貼左好多食物嘅相片，影出嚟都幾吸引！係牆上用紙逐個字貼上牆嘅「天山雪蓮」特別礙眼，𣊬間好似入左啲大陸黑店一樣⋯好忐忑⋯反正都坐低左，就試一試味先啦！可能卧龍藏龍呢！落單嘅應該係老細，因為同蔡蘭合照嗰個正係佢！首先我同朋友都各要一個茴香牛肉夾餅⋯跟住⋯單都未落完，老細竟然唔聲唔聲行開左⋯厄⋯點做生意呀？好唔容易叫返佢埋嚟，要多個擔擔麵同一口孜然羊肉。本嚟想叫兩罐汽水⋯但雪櫃就喺隔離⋯空的！！擺左兩袋用膠袋袋好嘅不明物⋯仲有其他雜物⋯好似垃圾崗嘅不良感覺⋯由於係開放式廚房⋯睇到廚房整體擺放好凌亂，由此可見大廚老細冇條理！講嚟講去都講緊個老細！係，間鋪得佢一個⋯⋯講左咁耐，講下食物先⋯唔記得係叫四川定新疆擔擔麵，總之唔係上海。除左有麵之外，仲有啲青瓜絲，同秘制辣肉碎。個樣整出嚟都好似ok,一試入口⋯個湯好嗆口，但味道層次欠奉，麵質較硬身，秘制肉碎真係幾辣下，但味道麻麻地，碗麵愈食愈油。一口孜然羊肉Size真係一口一件，但肉質好乾，羊肉好騷，孜然味淡，淡到被羊騷味切底覆蓋。最後嚟到牛肉夾餅⋯強烈控告！與相片不乎得好嚴重！說好得爆牛呢？夾餅係就係煎到好香，但牛肉呢？仲薄過搽牛油囉！！味道⋯中伏！仲大膽試飲左店內免費提供嘅天山雪蓮茶⋯may左兩啖⋯乜嘢爛鬼天山雪蓮？好補藥黨囉！好難飲，冇味好淡，我情願飲普通嘅茶就算！店內環境好差！烏蠅5-6隻不停喺面前飛嚟飛去，抽氣系統差！成身焗到好大陣味⋯乜鬼嘢爛店？冇誠意冇制作冇裝修冇服務！食物圖片純粹參考！強烈搵笨！唔想中伏，最好唔好接近⋯阿門。
繼續閱讀
話不想多了！香港沒吃過夾饃，看到他們有，就過去吃。跟老闆查詢夾饃，他就跟我說饃餅是脆的。最後來了 English muffin 加肉碎。京蔥羊肉加埋仲少過個 English muffin手抓餅百佳買。未煎熟。最好食水餃，因為是灣仔碼頭的！完！
繼續閱讀