熊拉麵 (蘇杭街)

營業中

休息中

夜晚同朋友約食飯，大家都唔知食咩好嘅時候經過依間拉麵店，見裡面都幾多人就決定入去試下。menu都有好幾款選擇，而且同好多拉麵鋪一樣有得揀麵嘅粗右同軟硬度。我同個朋友都不約而同揀左個人氣No.1 嘅招牌熊拉麵。碗麵嘅湯底係豬骨湯，我覺得唔錯，唔會過鹹或者好多味精。麵嘅部分因為我揀左硬身，所以食落都幾爽口。麵款方面雖然有兩種唔同粗右嘅選擇，不過我反而覺得兩種食落其實都好似無咩分別咁。基本上個麵有叉燒、溏心蛋、蔥同木耳。個溏心蛋仲係成粒，好味。依碗拉麵$85，都係正常價錢，唔會太貴，算係不過不失可以一嚐。