緣屋 札幌元袓蝦湯拉麵 (信德中心)

營業中

休息中

本身無預過上環有野食，諗住求其搵m記食，點知喺信德中心搵到間拉麵食，星期六午餐時間都搵到位。見蝦湯拉麵幾吸引，就一於叫味噌叉燒🍜大滿足下啦。蝦湯底鮮甜，伴隨櫻花蝦乾提升味噌湯風味，叉燒5大塊但唔算肥，如果有用火槍燒一燒就香啲，麵質適中無太大鹼水味，份量夠飽，可能湯底比較油膩，食到一半可以加辣油七味粉提鮮同刺激。$108價錢夠飽肚，凍水提供👍🏻無水喉水味😁。去唔到日本都可以過嚟食碗過下癮😂。