影片
更多
2015-12-03
611 瀏覽
難得今日唔洗OT，就約左2個朋友黎到公司附近比較受歡迎既西班牙餐廳食飯。我地3個人叫左一份咸豬手，一份雞翼，一個薄餅，同埋一份甜品。香脆咸豬手: 見好多檯都有叫呢個咸豬手，應該都幾出名下，燒得亦都相當出色，上菜時仲已經切好晒，食起黎都好方便，豬手皮超香脆，肉嫩而香滑彈牙又唔太油膩，再配少少酸菜，非常可口開胃，份量剛剛修都幾好幾有格調好唔會太多，係絕對夠3個人享用既。焦糖單骨雞翼: 呢個真係小食既首選，把雞中翼切半並用焦糖醃製而成，好方便食，一條骨放入口， 好容易就食到D肉，味道香口，雞翼外脆內嫩，亦都唔會炸得過乾，可惜焦糖有點兒過多，建議可以將焦糖同雞翼分開，咁客人可隨意沾點焦糖既份量。西班牙薄餅: 雖然細細個，但係個餅底好夠脆，肉既份量又適中，仲係薄餅上加埋沙律，幾好食，幾足料，亦都唔會好似平時食開既意式pizza咁漏。紫薯火鍋: 呢個紫薯火鍋係最近新出既，除左紫薯之外仲可以揀抹茶，但係因為同行既朋友唔食抹茶，所以最後揀左紫薯。呢個火鍋同一般既朱古力火鍋分別唔大，有一碗用火座暖既紫薯醬，再配唔同既配料一齊食既，配料有竹炭芝麻泡芙，棉花糖，日式福餅，窩夫，鮮雜果，個人認為紫薯火鍋呢個
香脆咸豬手: 見好多檯都有叫呢個咸豬手，應該都幾出名下，燒得亦都相當出色，上菜時仲已經切好晒，食起黎都好方便，豬手皮超香脆，肉嫩而香滑彈牙又唔太油膩，再配少少酸菜，非常可口開胃，份量剛剛修都幾好幾有格調好唔會太多，係絕對夠3個人享用既。
焦糖單骨雞翼: 呢個真係小食既首選，把雞中翼切半並用焦糖醃製而成，好方便食，一條骨放入口， 好容易就食到D肉，味道香口，雞翼外脆內嫩，亦都唔會炸得過乾，可惜焦糖有點兒過多，建議可以將焦糖同雞翼分開，咁客人可隨意沾點焦糖既份量。
西班牙薄餅: 雖然細細個，但係個餅底好夠脆，肉既份量又適中，仲係薄餅上加埋沙律，幾好食，幾足料，亦都唔會好似平時食開既意式pizza咁漏。
紫薯火鍋: 呢個紫薯火鍋係最近新出既，除左紫薯之外仲可以揀抹茶，但係因為同行既朋友唔食抹茶，所以最後揀左紫薯。呢個火鍋同一般既朱古力火鍋分別唔大，有一碗用火座暖既紫薯醬，再配唔同既配料一齊食既，配料有竹炭芝麻泡芙，棉花糖，日式福餅，窩夫，鮮雜果，個人認為紫薯火鍋呢個idea既特別，唔係好多地方食到，味道亦都唔錯，只不過配料比較上heavy，建議可以減少泡芙同福餅既份量，而多加鮮雜果。
總括而言，呢間鋪食物質素好好，而且唔貴，裝修都幾好幾有格調，下次gathering都可以再黎食。
張貼
