更多
2019-08-01
402 瀏覽
今日去完元朗行街, 搭到柯士甸站行十分鐘左右就黎到呢間西餐廳, 呢度有pizza, 西餐, 印度餐, 同埋酒飲, 正如佢店名一樣。必點前菜: 雞肉牛油果沙律, 沙律上面係淋蜜糖芥末醬, 同整個沙律非常之夾, 沙律好大份而且好多牛油果, 鍾意食牛油果既一定要點呢個! 主食點左意大利肉醬千層麵, 千層麵幾大份, 肉醬味濃又多, 好食過肉醬意粉。小食點左半份back ribs, 雖然半份, 但都有8~10舊骨, 感覺上好似多過一半呢, 而且仲跟埋薯角, 炸得好脆又熱辣辣, 非常好食, 真係鍾意食薯角既可以單點薯角, 一籃有好多舊, CP值都幾高。一向冇太喜歡飲酒, 但又唔想飲果汁咁悶, 呢度有smoothie(沙冰), 每次黎到都必點香蕉沙冰, 色香味俱全, 香蕉味好重, 非常滿足。
必點前菜: 雞肉牛油果沙律, 沙律上面係淋蜜糖芥末醬, 同整個沙律非常之夾, 沙律好大份而且好多牛油果, 鍾意食牛油果既一定要點呢個!
主食點左意大利肉醬千層麵, 千層麵幾大份, 肉醬味濃又多, 好食過肉醬意粉。
小食點左半份back ribs, 雖然半份, 但都有8~10舊骨, 感覺上好似多過一半呢, 而且仲跟埋薯角, 炸得好脆又熱辣辣, 非常好食, 真係鍾意食薯角既可以單點薯角, 一籃有好多舊, CP值都幾高。
一向冇太喜歡飲酒, 但又唔想飲果汁咁悶, 呢度有smoothie(沙冰), 每次黎到都必點香蕉沙冰, 色香味俱全, 香蕉味好重, 非常滿足。
題外話/補充資料:
其實已經第N次黎食, 一直都覺得呢間食店係deserve better, 應該要更加多人識佢先得, 價錢唔算貴, 樣樣野都好食, 店員又nice, 絕對推薦大家黎食!
(以上食評乃用戶個人意見 , 並不代表OpenRice之觀點。)
張貼