Misu Seafood Cuisine

營業中

休息中

正苦又派左一萬，當然去食好西，慰勞一下自己同身邊既人啦。今次去呢到Misu Seafood cuisine 試下，因為朋友話呢到人流較少，坐得舒服野食又ok。我同寶寶今次叫左個set lunch，呢到個set lunch 好豐富，包沙津、茶碗蒸、麵豉湯同生果。日式蒸蛋蒸蛋要整得好味唔易整, 呢間餐廳整既蒸蛋真係好有驚喜, 新鮮蒸好, 蒸蛋係非常滑溜, 而且蛋味好濃郁, 加埋少少鮮冬菇, 蟹柳同埋高湯落去蒸, 令到整個蒸蛋鮮味十足醬燒松阪豬蓋飯豬頸肉煎得好香脆，邊邊有少少微焦，豬頸肉肥瘦適中，食落去都好爽口，醬燒味淡淡地又但d味又幾出，而珍珠米煮得剛好，唔會太乾唔會太濕，粒粒分明，值得再一試。角切魚生飯我叫左角切魚生飯。呢個飯賣相幾好，而家份量適中。入面應該有四至五種魚生，有吞拿魚、油甘魚、池魚、凡立貝同牡丹蝦。佢啲魚生唔係解凍貨而係新鮮貨，值得一試呀！佢仲有好多唔同既saki比大家揀，由最平＄88／330ml又有，貴到＄6999／720ml又有，任君選擇。