影片
更多
2023-08-10
699 瀏覽
圍方都開咗一段時間，等佢矛咁多人先去行吓，當日星期日，人流都唔少! 唔單只圍方入面人多，連帶鄰近嘅餐廳食巿都爆場! 排隊人龍處處!唉.... 仲想話去飲茶食點心㖭.... 睇怕平時已經要排隊嘅粵軒，今日更加多人掛，但係..... 發生咩事! 去到居然有位! 連等位都唔洗! 馬上衝入去涼冷氣先啦!大大話話都成年無嚟過了!有位原因估計係....已經3點了.... 已過 Lunch time 黃金時間了....咁就出現另一個問題，就係趕客! 由步入餐廳到埋單走，都有強烈趕客感覺!點咗蝦餃，叉燒包，蒸鳳爪，黑椒牛仔骨，同蜂蜜脆麻花名叉燒腸.埋單$281價錢，絕對係一級收費啦! 記然係一級收費，咁就用一級要求去評吓餐廳同食點心質素.首先由天花，牆身以至地下都好鬼污糟! 牆身好多塵，我地一路食，D姐姐就一路掃地攪衛生趕收工! 以前幫襯就掛住吹水無留意環境，今次幫襯因為人客唔多，所以留意到環境問題原來咁差.點心方面，蝦餃用上原隻海蝦新鮮彈牙鮮甜，但蝦餃皮厚咗D! 留意一籠只得兩粒! size 又唔見得特別大粒!叉燒包平庸，無咩特別.鳳爪如果制作時炸得耐D，D皮同骨可以炸得更透的話，更入味.牛仔骨一係
唉.... 仲想話去飲茶食點心㖭.... 睇怕平時已經要排隊嘅粵軒，今日更加多人掛，但係.....
發生咩事! 去到居然有位! 連等位都唔洗! 馬上衝入去涼冷氣先啦!
大大話話都成年無嚟過了!
有位原因估計係....已經3點了.... 已過 Lunch time 黃金時間了....
咁就出現另一個問題，就係趕客! 由步入餐廳到埋單走，都有強烈趕客感覺!
點咗蝦餃，叉燒包，蒸鳳爪，黑椒牛仔骨，同蜂蜜脆麻花名叉燒腸.
埋單$281價錢，絕對係一級收費啦! 記然係一級收費，咁就用一級要求去評吓餐廳同食點心質素.
首先由天花，牆身以至地下都好鬼污糟! 牆身好多塵，我地一路食，D姐姐就一路掃地攪衛生趕收工! 以前幫襯就掛住吹水無留意環境，今次幫襯因為人客唔多，所以留意到環境問題原來咁差.
點心方面，蝦餃用上原隻海蝦新鮮彈牙鮮甜，但蝦餃皮厚咗D! 留意一籠只得兩粒! size 又唔見得特別大粒!
叉燒包平庸，無咩特別.
鳳爪如果制作時炸得耐D，D皮同骨可以炸得更透的話，更入味.
牛仔骨一係太大件，一係就碎甩甩，黑椒味香濃，牛仔肉入味.
叉燒腸偷工減料! 得兩條!
最後唯一滿分係蜂蜜脆麻花，入口即溶又香脆，蜜汁夠濃夠甜!
坐近廚房門口，不停聽到欠單追單，追得特別急因為趕下場收工，又話趕住攪衛生 (但係點解環境都係污糟糟?)! 趕客無形壓力大增! 一級收費但服務同質素都唔達標性價比低!
都係懷念土瓜灣壹點甜同日月茶點，又平又好味又唔會趕客，正路唔會再嚟食點心嚕.....
張貼
