影片
更多
2019-11-04
140 瀏覽
石門而家係新發展地區，特別係京瑞廣場，入面有好多小朋友playgroup同學習中心。尋日同家姐去完plagroup，大家都好肚餓，本來諗住去食譚仔，點知見到譚仔旁邊有一間Su Casa。一眼從落地玻璃窗望入去，入面環境好舒服既感覺。裝修色調以綠色為主，感覺好清新。於是，決定了要入去食好西。原本係入面既哥哥見我地係門口東張西望，就立即出黎招呼我地，一坐低又拎左啲顏色筆同填色紙俾佢填色，等佢可以乖乖坐好等媽咪叫野食同等野食黎。餐廳入面有個蠔吧，而家生蠔仲緊生蠔買一送一優惠，好抵呀！不過，早兩日肚仔有Ｄ唔舒服，所以媽媽唔敢叫生蠔。不過我就叫左一個招牌。蠔湯試下。一入口就係好濃郁的蠔鮮味，好鮮甜，但又一Ｄ都唔腥。附上一塊蒜蓉包，吃起來有牛油及蒜蓉的香味，外脆內鬆軟，烘得恰到好處。牛扒一向係我最愛，紐西蘭肉眼排，牛排唔算大塊，但就好厚身，牛扒表面燒得好香，入面切開仲有Ｄ肉汁。牛排叫左五成熟Medium，上枱時剛剛好～入面無咩血水，肉色又唔會好紅好生。龍蝦汁海鮮意大利飯，好CREAMY的龍蝦汁好香，加入啖啖鹹香的意大利飯。飯上面仲配搭左唔同既海鮮，有蝦，青口，魷魚，帶子，仲有好多粒細細粒帆立貝，更
於是，決定了要入去食好西。原本係入面既哥哥見我地係門口東張西望，就立即出黎招呼我地，一坐低又拎左啲顏色筆同填色紙俾佢填色，等佢可以乖乖坐好等媽咪叫野食同等野食黎。
餐廳入面有個蠔吧，而家生蠔仲緊生蠔買一送一優惠，好抵呀！不過，早兩日肚仔有Ｄ唔舒服，所以媽媽唔敢叫生蠔。不過我就叫左一個招牌。蠔湯試下。一入口就係好濃郁的蠔鮮味，好鮮甜，但又一Ｄ都唔腥。附上一塊蒜蓉包，吃起來有牛油及蒜蓉的香味，外脆內鬆軟，烘得恰到好處。
蠔湯
$68
15 瀏覽
0 讚好
0 留言
牛扒一向係我最愛，紐西蘭肉眼排，牛排唔算大塊，但就好厚身，牛扒表面燒得好香，入面切開仲有Ｄ肉汁。牛排叫左五成熟Medium，上枱時剛剛好～入面無咩血水，肉色又唔會好紅好生。
紐西蘭肉眼扒
$248
23 瀏覽
0 讚好
0 留言
龍蝦汁海鮮意大利飯，好CREAMY的龍蝦汁好香，加入啖啖鹹香的意大利飯。飯上面仲配搭左唔同既海鮮，有蝦，青口，魷魚，帶子，仲有好多粒細細粒帆立貝，更加吸引。
龍蝦汁海鮮意大利飯
$168
8 瀏覽
0 讚好
0 留言
我超開心，因為叫左黃金軟殻蟹。我超愛吊吃炸軟殻蟹，但可惜唔係好多地方有得食。黃金軟殻蟹份量都幾多，有四舊，加埋有兩隻。上面仲有Ｄ鹹蛋黃碎碎，食落更惹味。外脆內軟，食完想再ENCORE。
飲品我地最後叫左菠蘿有機奇亞籽綠茶，味道香甜，入面仲有菠蘿。食左咁多肉同飯，飲返呢個消消滯先得，咁多至可以再叫多個甜品嫁！
其實見到雪葩都好想食，不過唔敢食咁涷野，所以叫左個朱古力心太軟加雪糕。雪糕家姐一個人就食晒，媽咪好放心俾佢食，因為係Mövenpick的雲呢拿雪糕。我地就食個心太軟，一切開蛋糕，朱古力漿就湧出黎，朱古力唔算好甜，岩晒我呢Ｄ中意食甜品又怕甜既人，而蛋糕外面焗到有少少脆，食落去更有口感。而佢將個士多啤梨切到好似玫瑰咁，超靚。
心太軟
$68
12 瀏覽
0 讚好
0 留言
當然，最重要係，Su Casa有個好可愛ge兒童餐，兒童餐係車仔造型，有三款，家姐就揀左set A。有胡麻沙律，茄汁粟米雞肉意粉，煎魚餅，橙汁。煎魚餅好大塊，仲要係魚仔形狀，家姐開心到話要拎住食！茄汁粟米雞肉意粉，媽咪食過，味道唔濃味，適合俾小朋友食。家姐平時食野都要人地餵，又要三催四請，今日可能係因為有屬於自己既獨立餐仔，所以佢好合作，仲自己食晒Ｄ意粉。其實Ｄ意粉份量唔少，所以佢可以食晒成份餐，我都好SURPRISE！
兒童餐set A
$68
13 瀏覽
0 讚好
0 留言
原來，兒童餐仲可以扭蛋一次，哥哥貼心到親自拎個扭蛋機係我地面前。＄６８，又食又玩又拎，簡直抵到爛！ 
呀～仲想提一提，送吹氣公仔頭Cool俾家姐個個姐姐店員都好好人，又nice，我見佢間中就會去唔同枱關心小朋友，問下好唔好吃，傾下計哄下佢地。
係SU CASA食野真係食到好開心，唔止環境舒適，職員服務熱誠。其實有時帶咁細小朋友出街食飯真係好頭痕，小朋友會扭計，又會搞搞震。但係SU CASA俾我感覺係佢地由內到外都咁歡迎小朋友，而即使係一餐飯時間，都會好用心同小朋友相處。
張貼
