食之劇場餐廳 (已結業)

特登入嚟白沙灣WA Theatrer食Omakase，佢哋嘅食材全部都係喺日本豐洲市場空運返嚟香港，新鮮又當造，我覺得食Omakase最enjoy係感受廚師用心烹調嗰份心意，你絕對係會feel到佢哋嘅細節位！今次食咗兩個set分別係「黃金之奧義」同埋「雲」，全晚都係飲白神山地之水，我即刻Google係咩來頭，原來白神山地係幾乎未經過人工修繕嘅，飲落去清澈甘甜，係礦物質低嘅軟水💧佢哋啲刺身全部都好新鮮，最難忘嘅係佢哋有藍鰭大拖羅刺身，食落去充滿着魚油又有淡淡嘅煙燻味，仲要超級厚切，好滿足🥰鍾意食牛肉嘅一定會鍾意呢個金箔和牛卷，係嚟自熊本縣嘅A4和牛，油脂雪花好均勻，廚師燒完之後會用成塊金箔包住佢，超級奢華！呢度嘅位置少少偏僻，可以揸車入嚟，食嘢會有兩個鐘頭泊車！呢度幾啱嚟慶祝生日或者節日嫁，佢都有好多包廂房，私隱度都幾夠！