和順記 (新威大廈)

營業中

休息中

第一次入去叫外賣，都係正常唔係特別多人，但就叫極都冇人應。終於有個職員有反應，我話叫個炸雞比煎蛋飯外賣，點知有個內地堂食客叫職員話要加野，個職員就立即掉頭走左冇再理我。可能要專心照顧尊貴的內地旅客，本地人都唔駛理。算，終於叫到另一個職員應我話要炸雞比煎蛋飯，個職員好似有燥狂症，不停好燥咁喝住我，要我指住個餐牌話即係叫邊個。又問我要飲咩，我問係唔係雞比飯送野，佢話係。咁比完錢叫佢比張單，佢話“冇呀！”。我照企喺度等到佢比單我。一睇完來飲品另計，同佢再講話佢頭先話叫雞比飯包埋嘅?佢反口話冇咁嘅事。原來外賣有9折，可能見多左內地客人幫襯就唔歡迎本地人買外賣。屈我叫左杯飲品就底消左個折仲比突。好無良。咁嘅服務態度，入去仲要比人屈比人串。唔好再幫襯。