更多
2019-05-16
815 瀏覽
銅鑼灣新店J Pot,行fusion路線,一個晚餐可以食火鍋、自家製pasta等等,好創新。Tasting menu ($498/位),坦白講好抵食!頭盤係意式海鮮薄片,吞拿魚刺身加香草、芝麻同榛子粒,再配上土佐醋汁,酸酸地好開胃。小食拼盤有和牛芝士春卷及炸鱈魚皮,配泡菜蛋黃醬,好香脆。再來一個餐前凍湯,南瓜凍湯,未食火鍋已經好有特色呢。特制火鍋醬油:有牛肉成分9宮格調味料:有較特別嘅辣椒蘿蔔蓉、芥末、蝦米辣椒醬,加落火鍋醬油後更香。主菜到了,滋補花膠湯底,有花膠、蟲草花、紅棗,用料好足,未落邊爐料前飲左幾碗,味道好濃郁。厚厚花膠肉!火鍋料用上三種日山A5和牛,淥3秒即食。牛展 (肉味重)牛肩甲 (多脂肪,肉滑)牛冧肉近pat pat位 (多脂肪,肉滑)最鍾意牛肩甲肉!其他精選火鍋配料仲有:大埔振興出品嘅三星蔥豬肉丸、墨魚丸、牛骨濃汁牛丸(超級爆汁),和牛餃子,娃娃菜、小棠菜、皇帝菜。美國桶蠔、越南爐魚、海蝦。最欣賞個牛丸呢!即使好飽,但都一定要食自家製意大利麵呢!和牛冷麵(寬麵)配牛肩甲肉,店員建議我地撕開舊肉同冷麵一齊食。輕輕火燒過嘅肉,有香蔥同芝麻,味道酸酸甜甜,就算飽左一半都想
Tasting menu ($498/位),坦白講好抵食!
頭盤係意式海鮮薄片,吞拿魚刺身加香草、芝麻同榛子粒,再配上土佐醋汁,酸酸地好開胃。
小食拼盤有和牛芝士春卷及炸鱈魚皮,配泡菜蛋黃醬,好香脆。
再來一個餐前凍湯,南瓜凍湯,未食火鍋已經好有特色呢。
特制火鍋醬油:有牛肉成分
9宮格調味料:有較特別嘅辣椒蘿蔔蓉、芥末、蝦米辣椒醬,加落火鍋醬油後更香。
主菜到了,滋補花膠湯底,有花膠、蟲草花、紅棗,用料好足,未落邊爐料前飲左幾碗,味道好濃郁。
厚厚花膠肉!
火鍋料用上三種日山A5和牛,淥3秒即食。
牛展 (肉味重)
牛肩甲 (多脂肪,肉滑)
牛冧肉近pat pat位 (多脂肪,肉滑)
最鍾意牛肩甲肉!
其他精選火鍋配料仲有:
大埔振興出品嘅三星蔥豬肉丸、墨魚丸、牛骨濃汁牛丸(超級爆汁),
和牛餃子,娃娃菜、小棠菜、皇帝菜。
美國桶蠔、越南爐魚、海蝦。
最欣賞個牛丸呢!
即使好飽,但都一定要食自家製意大利麵呢!
和牛冷麵(寬麵)配牛肩甲肉,店員建議我地撕開舊肉同冷麵一齊食。
輕輕火燒過嘅肉,有香蔥同芝麻,味道酸酸甜甜,就算飽左一半都想食!
自家製pasta 櫃!
甜品拼盤有:
椰子芋頭mousse、抹茶蛋糕、士多啤梨combo及鹹蛋黃糯米糍,呢個係建議食用次序,我尤其喜愛後兩者,鹹蛋黃糯米糍味道有驚喜!
最後仲追加左一杯黑糖寒天珍珠奶茶($48),由三種茶葉:Earl grey 、烏龍 及錫蘭紅茶做茶底,加上奶蓋、柯華田脆脆及黑糖寒天,有咬口又有茶味!
張貼