雪山咖啡館 (已結業)

間小店開係屋企附近，見門面裝修幾好。就入去試一試，因為其實成條村係冇其他餐廳。門面裝修得好休閒感覺，確實幾舒服。但我坐既位置見到廚房，形成強烈對比。見到廚房冇裝修過。又黑又殘。感覺不太好。下午茶有幾款揀既，揀份普通既薯角魚柳，配檸茶。上檯望到有D失望。薯角黑麻麻咁，應該冇換油炸同炸到過左火，連魚柳都係一樣。份量黎講係少既，味道：薯角過火有D苦。魚柳同樣。檸茶冇咩茶味，好淡。可能尼到既咖啡會出色。見佢有咖啡機。以40蚊咁既質素價錢，有好多更好選擇可以揀。耐何獨市經營，只可以幫襯。