星期日見新開餐廳，就入去試下新式泰菜。 環境望落舒適，不過坐位超近聽到隔離講咩。 安排座位，跟住講QR code 落單⋯⋯ 大佬你個QR code 放埋隻碟到。 隻碟點都污糟晒啦！ 你個QR code 用木夾！ 即刻唔想食⋯⋯ 最基本都未好⋯⋯ 叫奶茶 ， 青檸梳打！ 黑松左頭蝦蟹肉露炒飯 蟹餅 通菜 炒蜆⋯⋯ 首先奶茶正常發揮 泰式奶茶都係甜少少 青檸梳打 有d孤寒， 一杯整埋比你，冇得自己玻璃樽倒！ 通菜叫左少辣，但係成碟都好青 冇咩味。 蟹餅⋯⋯ 唔好幻想西式咁⋯⋯ 中間好水。 唔會係好實，唔會食到一梳梳蟹肉！ 跟住⋯⋯等等等 唔叫唔知漏咗單。 出左個炒飯， 黑松露應該超市買既最平個款。冇咩味。 蝦肉正常，蝦膏唔香。 蝦片通通地風淋晒。 跟住最後先黎前菜⋯⋯⋯ 蜆個味幾好既， 不過冇吐沙⋯⋯⋯😵‍💫😵‍💫 如果食泰國菜⋯⋯ 我食返如心個間！ 尼間又貴又唔好食！

平時見到D人 ， 日排夜排。 今日見冇人就去試下。 鋪頭地方細，基本隔離講咩你會一齊聽埋。 坐就一定係唔舒服，咁就試下有咩食拎分啦。 叫左個鹽水雞套餐加冬瓜檸檬飲品，尼個係台灣食係好好食。 （尼到台灣人做）應該掂啦。 叫埋鹽酥雞， 肉鬆蛋餅同埋牛肉麵。 鹽水雞勁失望，先講雞！ 重重既雪味 食得出黎。 完全唔夠濃 唔夠味。 配茶青瓜，紅蘿白淋晒出晒水。又冇味， 成個餐92 加飲品。 冬瓜檸檬淡如水⋯⋯ 鹵肉飯叫正常。 牛肉麵唔濃⋯⋯ 個麵似壽桃牌麵底咁⋯⋯ 牛肉正常 加左飲大紅袍珍奶⋯ 一樣茶唔濃 淡！ 鹽酥雞成餐叫最好食，夠味先 肉鬆蛋餅，皮厚唔鬆化！又乾。 感覺似買超市雪櫃既蔥找餅做個底。 食完返屋企成晚口乾口渴！ 第二日仲係咁⋯⋯ 味精勁强！ 唔知排隊為咩⋯⋯

打卡岩晒既餐廳！ 首先環境好舒服，裝飾好別緻。行上二樓有唔同既擺設令你覺得有別於其他西餐廳。 尼到既菜式幾特別， 首先叫左兩杯野飲（唔記得影相）柚子玄米梳打。 會飲到柚子既香味，最後飲到玄米茶回甘。尼一杯係蘋果沙冰就冇咩特別。 叫左個凍蜆， 冇沙鮮甜！好食，用左泰式做法，酸酸甜甜好開胃。 主菜叫左個蟹肉飯， 啖啖蟹肉同蟹膏。唔會好creamy, 岩岩好。食完唔會好滯。可以一試。 叫左個封門牛柳，配菜好出色！ 蕃茄仔爆甜！牛柳重牛味及炭香。係出色既！ 另外推薦係必點打卡甜品！ 迷幻磨菇！ 味道係好食既！ 芒果及士多啤梨雪芭，食落會有少少微辣味。 唔會死甜，係有驚喜！ 如果話有咩唔好既地方，可能係份量唔太多，不過好岩拍拖打卡食（ 我自己係補祝情人節飯）

其實好少去港島區食野，因為新界人。今日過去就 係為左尼間餐廳。因為環境好寬落，好岩女仔打 卡。同埋有個千秋。 食物方面CP值都算高，叫左2杯野飲，青檸梳打 同芒果沙冰。兩杯份量都好大，同埋青檸梳打有薄 荷葉，飲落好fresh. 另一杯芒果乳酪沙冰，太太飲 唔晒，好大杯，味道唔錯！ 叫左兩個頭杯炸海鮮（唔記得咩名），有三文魚 蠔、八爪魚，同炸魚。唔油膩，炸得好好。係個 沙律醬差少少🤏！（酸d會好！） 松露薯條，重薯味！唔油膩，松露醬夠味，唔會 水汪汪，又唔會過濃同咸！ 個蕃茄湯成晚最差⋯⋯咸到飲唔到其他味⋯😵‍💫 淨係死咸。 封門柳好食！炭香味，又有肉香味，叫5成係最好 正，推介必食。 另外仲有個飯，唔會食到好滯，配料都好多！味道 中規中矩。 價錢方面西餐黎講叫抵食！因為叫左好多野，最後 食唔晒！ 好耐冇寫食評，點都支持下。下次應該 會試埋佢甜品。

肉操雞扒飯⋯⋯⋯肉燥唔係一啦啦！成埋糊狀既！食唔到肉粒！雞扒用推髀肉拆骨，仲拉住d骨，炸到乾晒身！ 最慘連基本個白飯都煮到太多水，糊晒！ 如果唔改進⋯好難做得長。因為真心難食。汽水一早又話冇，12點落order渣wo（可樂 雪碧都冇，仲比人揀跟餐） 唔會再試，為左打夠200字要格硬打多幾隻字。（For 可以比喊既公仔） 講埋份量就唔多，似大少少既波仔飯size. 價錢45蚊。相信會有更多更好食選擇。 冇回頭，零CP值

見openrice 個個都讚就去試下！ 首先要帶現金⋯⋯因為唔收卡（都幾唔方便） 宜家尼個時代 電子貨幣流行⋯淨係收現金⋯ 去到個場其實一眼睇晒⋯好細。 你話坐得舒唔舒服？ 因為冇咩人咪唔迫囉，不過冷氣就一定唔夠。同埋個膠檯布 整住隻腳到好熱下！ （感覺其實冇裝修，好似用上手既野就算） 叫左花膠雞，帶子餃，牛丸，花甲，鵝腸，水尤，烏冬。 花膠雞鍋個湯係好味既，雞係滑、但花膠有d腥！ 帶子餃可以唔洗叫，食唔到有帶子，淨係豬肉！成隻都豬肉味，可以唔叫！ 牛丸爆汁ok, 水尤脆口，花甲鮮甜，鵝腸都爽。 不過食完尼餐我口渴左兩日！ 唔知係個雞湯有味精/ 後加豬骨湯有味精/ 定豉油有味精！ 唔係講到好出色 拎晒獎！ 至少口渴已經令人唔想再幫襯！

尼間餐廳一直想試，咁岩今日見有時間tea time! Openrice 又訂到位有折！ 所以過料試下 好少過海黎到都要搵下路點去！ 叫左個石頭魚薯條 同埋煙三文魚沙律 白酒汁煮蜆 沙律冇咩特別 正正常常！ 沙律菜都新鮮 唔會苦味 黎左個白酒蜆！ 真係好好食！ 蜆味鮮甜！ 白酒汁 帶少少辣 帶出蜆既味道 D汁可以當湯飲！ 真係好好食！ 推介！ 炸魚同出邊食既好唔同！ 魚有好多款揀！ 今次叫既魚肉實正，有魚味！ 唔會食到成口油 同粉漿！ 簿簿既脆炸皮包住鮮嫩魚肉！ 好食！ 唔會一切就散！ 暫時係香港食過曼好既炸魚薯條！

難得放低阿仔二人世界、所以食個快飯先。 見尼間裝修左 好似望落環境乾淨又企理，所以就入去試下啦。 之前一直都去開對面個間，今次試下啦。 叫左個油鹽水花甲 欖菜四季豆 同埋密椒薯仔一口牛 首先檯有碟花生 唔係送既！ 要十蚊一碟 明焗你要食架啦！ 好彩都叫脆口。 上左花甲先⋯⋯ 黎遠都聞到陣味⋯⋯有d腥！ 首先 我想講碟野唔係花甲！ 花甲係長身呈橢圓形！ 尼個分明係蜆！ 所以有腥味！ 油鹽水花甲⋯⋯ 唔掂 冇鮮味！ 蜆肉又老又細⋯⋯ 仲差唔多成舊水！ 欖菜四季豆⋯仲衰！ 火力過猛 欖菜有燶味 好似乾炒牛河燶底咁 食左少少成碟冇食！ 薯仔一口牛 不過不失，當然冇深水步出名個間咁好食！ 牛肉「那」到冇左肉味，係薯仔做到少少脆身！ 咁餐大失所望！ 都係食返對面個間算！

尼間野越做越差⋯⋯ 食早場入去等左廿幾分鐘先上到個雞煲！ 限時架wo… 叫左小辣，食得出雪雞味！ 我夾個舊未溶雪！ 飲野選擇少，配料上先過雞煲！肚餓得濟叫左魚皮同蝦片食住先。 A餐既牛唔好寄望好食！ 水尤同柏葉叫最好！ 食完返到屋企勁口渴！ 是日海鮮（聖子好細勁多沙） 14/6 端午節 胃腸炎 同發燒 肚痛左成晚，去左荃灣港安要打針！睇醫生 （琴日淨係食左兩餐 早餐0845 到食 （食出前一丁面）另一餐就1700 食）

有一排冇食雞煲！ 係大鴻輝已經有好大競爭，宜家尼間仲越黎越差！ 以前都冇分A,B,C plan 餐，今日揀左中間價位黎食！ 多左個蠔/蝦滑/扇貝/同牛高級D 其實個牛冇咩牛味⋯⋯食最平個款都得！ 廣島蠔，雪到冰晒⋯味道一般 扇貝急凍貨⋯⋯又細冇咩鮮味 蝦滑⋯⋯正常囉。 不過要提既係個雞煲！ 雞煲最重要係雞件！ 成係都係骨！ 同埋係冇肉！ 雞煲有3隻雞脾既幾腳！ 雞胸係冇⋯⋯ 好差⋯ 可以話越黎越差！ 食完仲好口渴。 價錢$198 一位！既餐 食最平既都得！ 希望有所進步！唔係又另一間被淘汰！