譚仔雲南米線 (已結業)

有時得自己一個人食飯，真係唔知食咩好，多數會變左求求其其，簡簡單單就算。今日得一枝公食野， 所以都係唔諗咁多， 食碗譚仔米線就算了，黎到譚仔入面，我發覺有好多人同我一樣，都係得一個人😂😂今日叫左碗鮮蕃茄湯米線配墨丸炸醬$43（鮮蕃茄湯底係需要加多2蚊）墨丸有黑魚香味，而且田墨丸入面有黑魚肉， 食既時候有淡淡既墨魚香味。炸醬既份量再比以前少左d，叫2個餸既時候，炸醬既份量本身已經係少左一半，但而家既份量係再比以前少多三份一。不過炸醬仍然很惹味，而且一點都不辣。蕃茄湯底都好足料，蕃茄既份量都算多，而米線都幾有彈性。