影片
更多
2023-11-30
169 瀏覽
成日都話「辛苦搵嚟自在食」，工作過後最直接慰勞自己嘅方法當然就係「食好啲」😋！即使一個人都唔一定食得差，好多獨食店原來都可以食得好高質，食得好快樂。☺️☺️☺️再嚟呢間位於登龍街嘅獨食烏冬專門店🍜，店內嘅烏冬用上北海道小麥粉製成，口感彈牙煙韌，阿叔都話正👍🏽，所以知道佢哋剛剛轉咗新menu，咁就當然要嚟支持吓啦！😉😉😉🍝厚切煙肉天婦羅卡邦尼烏龍麵 ($98) 店內唯一嘅西日料理🍴！煙肉厚切上，並以師傅特調嘅天婦羅炸漿烹調，味道唔單止惹味，仲好鬆脆，更唔會因為擺得太耐而變得腍身，啱晒我哋呢啲影相食先、影極都仲未影完嘅foodie。🙈🙈🙈菜式另一細心位係師傅為怕卡邦尼會太膩，特別加上切成絲狀嘅紫蘇葉🌱，淡淡嘅清新味唔算好濃，就算平時唔太好紫蘇葉嘅阿叔都接受到，而且味道層次仲豐富咗添！🍜醬油雞白湯烏龍麵 ($98) 雞白湯主要以三黃雞🐓同雞爪熬煮而成，為減輕過程中因熬煮雞肉時所引發出嘅酸味，師傅特別於煮湯時加入赤肉🐖，難怪湯頭可以保持住咁濃郁嘅味道。另外，餐廳用上嚟自千葉縣嘅錦爽雞🐥作配菜，經過慢煮後，肉質一樣咁幼嫩，同平時食到嚡熠熠嘅雞胸好唔同。除咗主食烏冬麵，其實呢度多款小食例如蒜香冷豆腐 (
再嚟呢間位於登龍街嘅獨食烏冬專門店🍜，店內嘅烏冬用上北海道小麥粉製成，口感彈牙煙韌，阿叔都話正👍🏽，所以知道佢哋剛剛轉咗新menu，咁就當然要嚟支持吓啦！😉😉😉
🍝厚切煙肉天婦羅卡邦尼烏龍麵 ($98)
店內唯一嘅西日料理🍴！煙肉厚切上，並以師傅特調嘅天婦羅炸漿烹調，味道唔單止惹味，仲好鬆脆，更唔會因為擺得太耐而變得腍身，啱晒我哋呢啲影相食先、影極都仲未影完嘅foodie。🙈🙈🙈
菜式另一細心位係師傅為怕卡邦尼會太膩，特別加上切成絲狀嘅紫蘇葉🌱，淡淡嘅清新味唔算好濃，就算平時唔太好紫蘇葉嘅阿叔都接受到，而且味道層次仲豐富咗添！
🍜醬油雞白湯烏龍麵 ($98)
雞白湯主要以三黃雞🐓同雞爪熬煮而成，為減輕過程中因熬煮雞肉時所引發出嘅酸味，師傅特別於煮湯時加入赤肉🐖，難怪湯頭可以保持住咁濃郁嘅味道。另外，餐廳用上嚟自千葉縣嘅錦爽雞🐥作配菜，經過慢煮後，肉質一樣咁幼嫩，同平時食到嚡熠熠嘅雞胸好唔同。
除咗主食烏冬麵，其實呢度多款小食例如蒜香冷豆腐 ($18) 同北海道粟米紫菜杯🌽 ($38)亦值得一食。前者口感柔滑，淡淡嘅豆香搭配特調嘅辣油，兩者味道配合得剛剛好；後者以紫菜杯裝住烤過嘅北海道粟米，甜甜地又鹹鹹地，極之惹味。👍🏽👍🏽👍🏽
張貼
