影片
更多
2020-09-19
1602 瀏覽
友人晌大角咀一頭工作，講到嗰邊嘅轉變，佢話非常之大且快，我都認同，因為年初都嚟過呢頭食飯，都眼見有好多新樓落成或建築中。講吓講吓就講到食，佢話有家新餐廳「Homeland」剛開業，水準唔錯，定價算相宜，是夜趁住家飯休息，屋企無飯開，就過嚟同朋友聚一聚食餐便飯。門面都幾特別，以霓虹燈做到好顏色化，一旁嘅拉閘專登唔開，就畫上本土彩繪，都喺打卡位。而走到入餐廳內，簡約嘅裝修，以淺色木系餐枱襯以五顏六色嘅餐椅、吊燈嘅葉片裝飾，都令到整體有種活力感。不得不提，啲餐碟都好特別，有唔同嘅圖案，或有意思嘅片語，有啲都幾治癒。晚市無套餐供應，都喺散點菜式，分類包括沙律、湯品、前菜、拼盤、薄餅、全日早餐、手工意粉及意飯、主菜及甜品，但是夜就未有供應薄餅，此外，需收加一服務費。另一張喺飲品餐牌，選擇亦常之多，如本地手工啤、紅白餐酒、汽酒、水果花茶、特飲、果汁、茶啡……等等。匈牙利牛面頰燉意大利飯 $98 一向都認為，如果一家餐廳嘅意大利飯做到好，其他嘢都差極有個譜，所以，專登點呢個意大利飯一試大廚手勢。初睇以為得一大嚿牛面頰肉，其實唔喺，飯內混有唔少丁方大細嘅面頰肉丁，啲肉質非常鬆化，甚具肉香，而飯粒夠濕潤
門面都幾特別，以霓虹燈做到好顏色化，一旁嘅拉閘專登唔開，就畫上本土彩繪，都喺打卡位。而走到入餐廳內，簡約嘅裝修，以淺色木系餐枱襯以五顏六色嘅餐椅、吊燈嘅葉片裝飾，都令到整體有種活力感。
不得不提，啲餐碟都好特別，有唔同嘅圖案，或有意思嘅片語，有啲都幾治癒。
晚市無套餐供應，都喺散點菜式，分類包括沙律、湯品、前菜、拼盤、薄餅、全日早餐、手工意粉及意飯、主菜及甜品，但是夜就未有供應薄餅，此外，需收加一服務費。
另一張喺飲品餐牌，選擇亦常之多，如本地手工啤、紅白餐酒、汽酒、水果花茶、特飲、果汁、茶啡……等等。
匈牙利牛面頰燉意大利飯 $98 一向都認為，如果一家餐廳嘅意大利飯做到好，其他嘢都差極有個譜，所以，專登點呢個意大利飯一試大廚手勢。初睇以為得一大嚿牛面頰肉，其實唔喺，飯內混有唔少丁方大細嘅面頰肉丁，啲肉質非常鬆化，甚具肉香，而飯粒夠濕潤且咬口，兼醬汁似加入香茅之類，有陣陣香味。
慢煮秘製燴羊膝 $148有睇過小弟嘅食評都會見到，晌肉類中，我不時都會揀羊嘅菜式，更難得友人都喜歡食羊，咁就梗喺點一客羊膝嚟試試啦！羊膝非常大件，裁出嚟嘅肉都有唔少，經過慢煮，啲肉嫩滑細膩，好有羊肉嘅奪獨有氣味，卻唔喺好羶啫，加上燴得入味，而伴菜嘅薯蓉亦打得軟滑，有薯香，抵食。
慢煮秘製燴羊膝
$148
18 瀏覽
0 讚好
0 留言
店員話呢個酥皮撻要預番10-15min製作，所以，我哋食到主菜近尾之時，就叫店員幫忙上菜。不過，當以為件撻送嚟之時喺芳香熱辣，但入口卻只有微溫，感覺有點打折扣。幸而，件撻本身都做得有水準，撻身填得滿滿嘅蘋果肉，又混有少少雜莓，所以，酸甜有層次；面頭嘅金寶就令人食起嚟更感牛油香，唯挑剔位喺個撻殼唔夠脆。
本來都想試試佢哋嘅特飲，可惜是夜無供應，其他嘢飲就喺比較慣見嘅大路嘢，亦無咩餐飲加配嘅優惠。雖然店員嘅招呼殷勤有禮，但感覺有少少人手不足，加上餐廳嘅格局比較多暗角位，好似我哋所坐嘅柱後暗角位，就往往會易被忽略。整體而言，以今晚所試嘅菜式，定價算相宜，如有啲套餐或加配優惠，就更划算喇。
張貼
