433
22
6
開飯介紹
提供全日早餐、手工意粉、手工薄餅等，款式眾多，特別推介手工啤酒烤雞，十分惹味。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
招牌菜
食家推介
相關文章
今日和朋友撐枱腳。西餐廳 非常之有驚喜。在荃灣廣場的Homeland享受了一頓令人印象深刻的西餐🍴🎉 以其精緻美味的菜品和超值的價格，真係抵食抵玩。😲👍。我們點了澳洲安格斯肉眼扒配薯蓉，肉質嫩滑多汁，五成熟的烹調恰到好處，每一口都是享受😍🥩。薯蓉加入了奶油，使其更加滑溜和香濃，完美搭配主菜🥔🧈。海鱸魚的香煎處理保留了魚肉的鮮美，而香草芥末忌廉汁增添了層次感，令人回味無窮🐟🌿。小吃方面，德國腸配薯蓉和牛油焗田螺拼薯都令人驚喜，既有創意又美味🍽️😋。飲品上，焦糖拿鐵和榛子拿鐵都能媲美大型咖啡店，香醇可口☕🌰。P.S. 同場加映，田螺焗薯，兒時回憶返晒力。Yummy yummy 😋 甜品的手工棉花糖朱古力布朗尼蛋糕，甜而不膩，是完美的結尾🍰🍫。整體來說，每人只需花費$100多點，就能享受到如此豐盛的美食，性價比極高👏💰。真可說是大飽口福🌟📍。
繼續閱讀
之前有朋友送咗電影券比我，所以呢今日就用咗佢，睇戲之前梗係食返餐飽先啦，朋友話想食西餐，於是就帶咗我去地庫嘅一間餐廳。喺門口已經見到好有心機裝飾，而個櫥窗仲有好多蛋糕同埋唔同嘅啤酒，一於就入去食啦。一坐低侍應就畀咗qr code我哋落單，而見到碟呢都係唔係淨係普通白色碟，而係有唔同水果圖案嘅碟。朋友話好肚餓，所以話想食好多嘢喎。佢就見到又唔同嘅套餐，佢就計過pizza餐都好抵食，所以就叫pizza啦，個餐仲有沙律湯飲品同埋兩個主食。等嘢食嘅時候都留意下呢度嘅裝飾都有唔同例如有畫同埋有花，打卡真係一流。見到隔離枱生日仲有生日蛋糕同埋即影即有相影添。話咁快慢煮雞胸日式胡麻沙律已經嚟到，一見到醬汁已經畀得好足同埋有好多唔同嘅蔬果，例如粟米，車厘茄，沙律菜同埋有迷你蘿蔔等。食落去非常之爽口，而且隔水隔得好好，唔會溝稀咗啲沙律醬，唔會話係好梅嘅菜。而我特別欣賞佢個雞胸，完全顛覆咗平時雞胸好嚡嘅感覺。咬落去非常之軟身而且雞味都好足。溝埋芝麻醬就非常之惹味！餐湯方面我同朋友都加咗錢要龍蝦湯，上菜嘅時候已經見到佢有用淡忌廉拉花，所以賣相都好不錯，一用匙羹畢落去嘅時候，仲見到又好多嘅蝦肉，飲落去唔會係死鹹，飲完之後要係咁飲水嘅味道，而係飲得出嗰種鮮味。餐包係蒜蓉包，我覺得佢落蒜蓉牛油嘅份量適量，啱啱好咬落去嘅時候有微微嘅蒜香味，唔會話食完之後好驚會臭親隔離，而且佢呀烤嘅程度啱啱好，唔會話咬落去會刮傷個嘴。拎嚟點湯或者就咁食都好好食。食到一半嘅時候煮菜就到，係波士頓龍蝦占米多黑松露闊麵，一見到龍蝦就已經流晒口水上面仲有啲魚子醬喺度。龍蝦肉唔會焗到好老有佢嘅蛋口，而且上面嘅芝士汁唔會話過度喧賓奪主而蟹籽同埋魚子醬就用嚟增加口感，配落去煙靭嘅闊條麵就好啱啦。闊條麵吸收晒龍蝦醬嘅汁，食落去非常之惹味，意粉仲有唔同種類嘅菇配搭返就會健康好多。其實食完意粉都已經開始有啲飽，然後主角pizza就出現啦。今次我哋叫咗招牌明太子海鮮薄餅。佢嘅明太子汁唔會話辣所以唔食得辣嘅，我都食到入邊除咗有三色椒，洋蔥之外，海鮮方面有小龍蝦，吞拿魚，煙三文魚，蟹柳等。佢係薄批，所以呢就唔會越食越肥膩，有龍蝦嘅爽口，食嘅時候就會聞到煙三文魚同吞拿魚嘅香味，再配上木魚同紫菜碎。食落去口感就豐富多兩倍。。Pizza嘅每一個部份都鋪滿晒材料，所以就唔會話一邊有另一邊冇嘅情況出現。本身都已經飽晒，但係女仔總有一個甜品胃。所以就加咗一個柚子芝士蛋糕。柚子芝士蛋糕軟硬適中，啱啱好唔會越食越滯。而佢隔離嘅馬卡龍餅又係一咬即斷，唔會硬到好似石頭咁。而擺盤嘅朱古力熊仔餅同埋綠色餅乾脆口得來又有另一樣嘅風味。店家仲好貼心除咗士多啤梨醬之外，仲有另一款醬俾你去點又可以豐富咗個口感啦。最後飲品，我同朋友分別叫咗蜜桃果肉芝士奶蓋同活乳酸覆盆子梳打，奶蓋係相對清爽，撈埋蜜桃茶飲就非常之夾，而蜜桃嘅果肉亦都唔會甜到好似化學味咁樣。梳打方面，朋友就叫咗少甜，一方面話梳打好夠氣，而少甜得來真係做到少甜嘅效果。下次就可以試吓佢嘅海鮮拼盤。
繼續閱讀
今日屋企人話想食海鮮🦞，唔想去到西貢咁遠就搵下有冇啲西餐廳有，屋企人話行街時見到個4人套餐好抵食咁，就決定去試下。-(L)新奥爾良海鮮滋味共享套餐 $1140 4位A.餐湯配蒜蓉包x2🩵廚師精選餐湯:粟米湯，口感順滑🩵(+$18)法式鮮打龍蝦湯:龍蝦味濃郁，必叫B.沙律x2🩷慢煮雞胸日式胡麻沙律: 雞胸嫩滑似雞腿🩷泰式柚子墨魚仔沙律: 墨魚爽彈，醬汁酸甜惹味C.新奥爾良海鮮拼盤(L)🦞好大兩盤🤯，有波士頓龍蝦x1、北海道松葉蟹腳400g、阿根廷珍寶赤蝦x4、大蜆x8、海蝦x8，小龍蝦x8，墨魚仔x12，青口x8，蟶子x8、德國腸x8，粟米x8、香烤薯仔x8和西蘭花x8。海鮮好新鮮，配埋醬料香濃既蒜香牛油，更提鮮味😍其中波士頓龍蝦🦞肉超肥美、北海道松葉蟹腳🦀超大隻蟹肉巨多、阿根廷珍寶赤蝦🦐好大隻好爽彈，超正😍❗️另外可沾醬招牌秒製BBQ/檸檬刁草忌廉/馬拉喇沙，我覺得唔沾醬都夠好食了🥰-D.主食x2💛野菌黑松露燉飯: 忌廉味香濃，稠度剛好😍💛(+$88)香煎澳洲安格斯肉眼扒 10oz配薯菜:肉眼扒偏厚身，肉質較結實-💕E.優惠價追加小食(+$88)滋味小食拼盤🧡芝士薯條:炸得香脆，芝士味濃郁🧡酥炸雞翼:柚子味酸甜開胃，炸到外脆內多汁🧡炸魚手指:正正常常🧡炸蠔:正正常常-💕F.飲品x4冷飲(+$3)凍檸茶,凍檸茶,柑橘蜜,凍茉莉綠茶(無糖)
繼續閱讀
朋友約係荃灣食 第一次食呢間餐廳裝修好靚 門口有棵紅色既樹好搶眼入面裝修七彩繽紛 顏色鮮艷揀左HANDMADE PIZZA 二人餐法式鮮打龍蝦湯 蒜蓉包套餐包粟米湯或者升級龍蝦湯+$18 法式鮮打龍蝦湯好香濃好味沙律有三款 +$18有煙三文魚凱撒沙律秘制北京烤鴨薄餅10吋薄餅每人食到三塊北京烤鴨切成絲每塊薄餅都有唔少上面既青瓜絲同葱夾埋一齊食可以解膩+$68 秘制龍蝦汁海鮮鐵鍋燉飯好香濃既龍蝦汁 個飯好惹味 雖然好飽都停唔到口 海鮮有虎蝦青口蜆同墨魚虎蝦肉厚鮮味 如果有兩隻就好了+$88 德國腸拼盤德國腸煎到微焦香味出哂黎 薯蓉好香滑軟綿飲品用半價升級有好多選擇 我地揀左凍蜂蜜柚子蜜同蜂蜜紅棗茶滋潤下
繼續閱讀
6點半放工同朋友黎食呢間homeland 的pizza 餐。一入去餐廳播放住節奏感強的南美音樂，令人感覺好chill。叫左2人份的pizza 餐$630，包括（餐湯，沙律，pizza,一份主食，一份小食同兩杯飲品）份量好足，菜式的煮法同賣相睇得出下左一番工夫，打卡friendly之餘有驚喜。廚師精選濃湯係濃郁的粟米忌廉湯，而鮮打法式籠蝦湯裡面有啖啖龍蝦肉食！慢煮雞胸日式胡麻沙律：薄片雞胸肉慢煮唔柴，配埋日式胡麻醬好清新開胃。墨西哥雞肉芝士餡餅：餡餅熱辣辣送上，拎起pizza時芝士拉絲不斷👍🏼加埋牛油果醬同Greek yogurt sauce好配！小食跟左酥炸吉列蠔，有六隻，炸得幾金黃酥脆。最後期待已久的香煎澳洲安格斯肉眼排（7成熟）送上，上面灑上粗鹽，唔點汁黎品嘗牛排的原汁原味都夠，一切開塊排亦好juicy！旁邊的薯菜都唔遜色，好入味。飲品方面，我哋飲左浮華墨紅玫瑰花茶同凍檸茶。壺花茶邊食邊熱住，花味慢慢釋放出黎。成餐成得咁飽真係好滿足。
繼續閱讀