更多
2018-08-24
394 瀏覽
間中都會同朋友到葵廣搵食，今晚經過一間叫百味川的麵食店，見佢啲麵食同埋小食都好似幾有特色，就被吸引左入去😋雖然佢店面細細，估唔到又有驚喜喎！其實最吸引我嘅係酸菜魚米線（$56）🍜因為平時好少機會食到，所以我立即點左一碗，另外朋友點左一碗豬膶牛肉鮮茄麵（$47），我哋見佢有淮山麵特登揀咗淮山麵底！佢仲有好多小食，我哋揀咗蒜泥皮蛋（$29），拍青瓜（$24）同埋口水雞翼（$26）。大概10分鐘食物就上齊，我急不及待要試酸菜魚米線，哇～個湯真係好鮮魚味😋👍，而且啲酸菜味道更融入咗啲湯同埋米線當中，真係無違和感，唔會因爲米線緣故令湯底變淡，魚肉方面佢雖然係用鯰魚柳，但勝在無骨而且肉質鮮嫩，配上酸菜嘅味道即刻令到魚肉加分不少😋👍另一碗豬膶鮮牛肉鮮茄麵同樣出色，牛肉豬潤都係煮得啱啱好，唔會太熟有柴感覺，都可以保持鮮嫩這是最難做到的👍蕃茄湯底酸酸甜甜非常濃郁，淮山麵既爽口又軟滑更非常掛湯！兩碗我哋都食個清光，連湯都飲晒！正呀喂😂👍除咗麵食出色，想不到佢嘅小食都一樣咁好味！蒜泥皮蛋一上枱已經好吸睛，糖心皮蛋排得工整好靚，中間有一大堆蒜泥，無論辣道同埋味道都好有四川風味！呢個真心好味！想用來撈麵😂👍口水
其實最吸引我嘅係酸菜魚米線（$56）🍜因為平時好少機會食到，所以我立即點左一碗，另外朋友點左一碗豬膶牛肉鮮茄麵（$47），我哋見佢有淮山麵特登揀咗淮山麵底！佢仲有好多小食，我哋揀咗蒜泥皮蛋（$29），拍青瓜（$24）同埋口水雞翼（$26）。
大概10分鐘食物就上齊，我急不及待要試酸菜魚米線，哇～個湯真係好鮮魚味😋👍，而且啲酸菜味道更融入咗啲湯同埋米線當中，真係無違和感，唔會因爲米線緣故令湯底變淡，魚肉方面佢雖然係用鯰魚柳，但勝在無骨而且肉質鮮嫩，配上酸菜嘅味道即刻令到魚肉加分不少😋👍
酸菜魚米線
$56
28 瀏覽
0 讚好
0 留言
另一碗豬膶鮮牛肉鮮茄麵同樣出色，牛肉豬潤都係煮得啱啱好，唔會太熟有柴感覺，都可以保持鮮嫩這是最難做到的👍蕃茄湯底酸酸甜甜非常濃郁，淮山麵既爽口又軟滑更非常掛湯！兩碗我哋都食個清光，連湯都飲晒！正呀喂😂👍
豬潤牛肉鮮茄淮山麵
$47
29 瀏覽
0 讚好
0 留言
除咗麵食出色，想不到佢嘅小食都一樣咁好味！蒜泥皮蛋一上枱已經好吸睛，糖心皮蛋排得工整好靚，中間有一大堆蒜泥，無論辣道同埋味道都好有四川風味！呢個真心好味！想用來撈麵😂👍
蒜泥皮蛋
$29
3 瀏覽
0 讚好
0 留言
口水雞翼真係好辣，上面鋪滿花椒，浸住辣椒油，又麻又辣不過越辣越想食，同樣地拍青瓜都一樣好辣，不過佢嘅唔係麻辣，而係另一種辣味，有啲似韓式辣椒醬🌶️難怪啲間鋪頭叫百味川，每一種材料配的辣同味道都係特登配搭的，唔會一式一樣，吃得出的用心。
口水雞翼
$26
20 瀏覽
0 讚好
0 留言
拍青瓜
$24
9 瀏覽
0 讚好
0 留言
我們食到九點幾仲好多人幫襯，可見呢間小店都幾受歡迎！店內的侍應服務態度都好殷勤有禮，食物質素又唔錯👍！期待下一次再嚟幫襯！😋😋
—————————————————
店名: 百味川
環境🏝：7.5/10
服務💁🏼♀️：8/10
價錢💰：8/10
食物質素🍝： 8.5/10
整體🙆🏻♂️：8/10
地址:
葵芳葵富路7號葵涌廣場地下A39號舖
張貼
