227
17
9
港鐵葵芳站 D 出口 繼續閱讀
所有分店 (1)
電話號碼
31021201
營業時間
今日營業
09:00 - 00:00
星期一至日
09:00 - 00:00
付款方式
AlipayHK 支付寶 現金 微信支付
其他資料
當面支付
食評 (283)
等級4 2020-08-13
2142 瀏覽
葵廣嘅美食可以用百花齊放嚟形容,加完班買唔切餸,喺到兜一圈都絕對可以搵到啱心水嘅餐廳。行過見到百味川門口見有好幾個人等緊外賣,好一陣子冇行入葵廣嘅我都冇為意到呢個位置幾時開咗間餐廳,六點後外賣自取仲有八折,相當吸引。一睇menu有我最愛嘅酸菜魚同先生至愛嘅牛三寶,二話不說即刻落單。除咗非常有特色嘅米線之外,仲有唔少小食選擇,飲品方面選擇亦算多,仲有幾款少見嘅特飲。酸菜魚米線份量唔細,店員好細心為我哋分好湯,返到屋企依然食到口感剛好嘅米線,湯底鮮香濃郁,酸菜味好重。魚片方面唔係一般食到嘅薄魚片,而係比較厚身嘅龍脷柳,份量亦頗多,口感軟嫩。麻辣牛魔王米線份量同樣足,材料豐富,除咗牛腩、牛筋同牛肚,仲有大量酸菜,中和咗牛三寶嘅油膩感,亦令到湯底層次更豐富。三款配料之中我最鍾意牛肚,口感夠軟腍之餘好索汁,零舍入味。牛筋亦唔錯,口感軟嫩但又唔會太腍。手撕雞麻香同辣味平衡,加上青瓜絲增強口感,越食越開胃。蒜泥白肉好有特色,蒜香加上白芝麻相當誘人。白肉半肥瘦,配上蒜泥毫無油膩感,食多幾件都唔怕滯。冰鎮奶茶入口夠香夠濃,味道偏甜少少,解辣必備,凍檸茶亦唔錯。餐廳食物質素平均,加上晚市外賣八折實在係非常吸引,的確係一個唔錯嘅外賣選擇,難怪唔少人選擇喺度買外賣解決晚飯。 繼續閱讀
(以上食評乃用戶個人意見 , 並不代表OpenRice之觀點。)
葵涌廣場消費又低,又成個迷宮咁,行下食下最o岩打發時間。呢間粉麵睇門面,同其他檔口級數似乎差唔多,都係d 下欄o野,但幫襯完之後,卻發覺甚有驚喜,可謂禾稈冚珍珠~首先粉麵呢d 餐廳都係快食快走,人客出出入入,又點菜又埋單又清檯,侍應都咪話唔忙唔大壓力,有時難免對d 客人態度會不太良好。但係以我觀察,呢度o既侍應係好客氣,就算個客yap o左佢埋o黎先逐個餸「er…er…er」咁諗,都面不改容,仲係好和善。呢度o既粉麵只需叫兩個餸就已經送o野飲,出面同級o既麵檔,好多時都係要另外例如半價加配飲品咁。如果外賣自取,會再打九折。我見佢牆上仲寫住夜晚十點後八折添!間鋪好似開到十二點~我點o左一個三餸自選米線 (total $55)。豬腸係我食車仔麵呢類必點o既o野;芥未沙律球純粹貪得意所以叫,其實就係爆漿海鮮丸,唔係好重wasabi 味,都幾好食。最後一個就係我覺得好抵o既香煎雞扒,另上o既,只需要$12!你當係小食都好。湯底o係o個堆酸辣、麻辣、沙嗲等等之中,只係揀o左清湯,大約就係一般雪菜肉絲o既味道,唔算話好特別。不過有樣o野我好喜歡,就係麵底可以揀淮山麵而且仲係同價!口感比普通米粉爽口好多,又好食又健康!小小地叫多o左客蒜香皮蛋($32),始終係川菜餐廳,都係要食番d 有特色o既o野。皮蛋上o既花紋猶如黑夜中綻放o既亮麗雪花;浸o係紅油裡面,冰冰滑滑,辣味之中亦帶點酒香,o個pat 蒜泥更加係神來之筆,令人口水直流。跟餐我已經點o左杯凍奶茶了(凍飲加$3),但後來見到人地檯有枝好大枝o既豆漿,原來豆漿係樽裝上,我見佢都係加$3 我以為係杯裝所以頭先無叫到。唔緊要啦,而家補叫,單叫都係$10 o既,拎住再上路~ 繼續閱讀
(以上食評乃用戶個人意見 , 並不代表OpenRice之觀點。)
原來唔經唔覺都已經有近六個月了,喺新冠疫情底下,基本上日日都冇乜出街,冇乜好地方出去,而家暫時舒緩咗好多,所以可以出嚟行一行鬆一鬆,但未又話唞返啖氣既時間。喺返屋企附近周圍行下,咁啱有朋友經開呢頭工作,所以我就可以趁住今日放假嘅時候,同老友記落去食少少嘢下午茶一番。Let’s go葵芳廣場已經係我嘅老地方,基本上衹要你講得出個鋪頭名,我就可以即刻馬上十分鐘內行到去。今次朋友為我揀咗一間叫百味川Pak Mei House嘅 食店。初初去到見唔到個朋友。所以我等左陣。之後我就打電話畀佢點知原來佢喺百味川嘅另一個分鋪,原來呢間餐廳好得意嘅。佢除咗有主店之外佢仲喺隔籬嘅商鋪租咗個鋪位。然後就有另一邊嘅百味川,但係都係同一家店同一個老板。好喇坐低喇我哋開始食野朋友就點咗。沙嗲小辣(湯)跟豬大腸 豬潤 雞腎 要油麵 另飲凉粉冰而我就點咗。蕃茄魚-轉薯粉 恐龍華田 架央多士我朋友就覺得沙爹小辣湯底都唔算太辣但係就有個好香濃嘅沙爹味非常之有口感。  至於配菜方面豬大腸豬膶兩個都好爽口亦都好滑好彈嘅亦都好入味。右面係我至愛彈牙可口非常至於雞腎亦都非常鮮嫩。喺夏天嚟講飲返杯凍凍涼粉冰絕對係賞心樂事涼粉夠爽口飲品唔會太甜亦都夠曬凍消暑必備佳品。至於蕃茄魚米線轉左扭文薯粉。先講薯粉彈牙得好緊要有咬頭有咬口,傻傻聲就噉吞落去唔咬都係另一種食法。番茄湯番茄絕對係主角。非常之濃厚。唔似普通嘅羅宋湯。仲有一粒粒原粒番茄比你咬。魚肉都非常多占咗1/4嘅位置  非常多條嘅魚塊你絕對係一條一條噉樣放落口絕對係大胃王最啱嘅選擇。恐龍華田又大杯又有滿滿嘅阿華田粉。非常濃厚。夏天飲消暑降溫。甜到入心入肺。正因為同朋友食下午茶所以傾偈傾耐咗。碗面都消化曬嘅時候嚟多份佳央多士。大大嘅牛油配咖央醬,非常之咁甜。非常之咁滑溜。感覺就好似好圓滿地填飽個口噉同埋個胃。呢個絕對係鎮店之寶嘅必殺技。如果同朋友嚟下午茶不妨一試。食店整體環境合格。現在情況下佢哋都算非常清潔。雖然喺商場入邊但係,一到下午茶時段都會人少啲。真係都幾適合傾偈。如果早少少嚟可能會好多人哦。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-10-25
91 瀏覽
今日約咗朋友去葵廣行街同掃街晚餐就想坐低食返餐川菜見門口都幾多人排隊等外賣就決定試吓呢間-平時川菜最鍾意嘅就係食酸菜魚呢個酸菜魚配埋飯都只係$58 價錢極抵!唯一失望嘅係呢個酸菜魚湯底唔太酸亦唔辣只有魚湯嘅味不過啲魚口感爽滑如果湯底再酸啲同辣啲就會更夾呢個價錢都唔會要求太多了-麻辣手撕雞就唔錯充滿麻辣香味 同青瓜味好夾都幾辣下 食到底嘅時候條脷開始麻痹最後埋單每人都係$100樓下呢個價錢CP值極高 不過如果想食正宗酸菜魚嘅呢間就可能唔太啱你喇-整體評分:3.5/5 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-22
66 瀏覽
嚟到葵芳廣場,我每次食嘢都係食同一間川菜館,因為呢度都係平民價,所以我同朋友兩個人點左勁多嘢食。因為鍾意食酸菜魚,所以我嚟親百味川都會食呢度嘅百味酸菜魚米線,呢度嘅酸菜魚米線同平時啲大型川菜館做的水準有返咁上下㗎,但係個價錢就會平好多,真係好抵食呀。我們還點了好多小吃,有醋香雲耳,手拍青瓜,炸白菜雲吞,麻辣手撕雞,同埋炸韭菜餃。所有小食都好有特色,而且每一碟細細碟份量又啱啱好,價錢又唔會話貴,真係可以試暈晒咁多碟都得啊。我就比較鍾意食呢度嘅炸白菜雲吞同埋炸韭菜餃,外皮脆卜卜,內涵又足料,點少少酸辣醬真係好好味㗎。而麻辣手撕雞,手拍青瓜都是比較辣的,所以偏愛吃辣嘅朋友就啱晒。再叫多兩杯嘢飲,份量就啱啱好,我哋真係可以邊食邊飲番杯都仲得,都算係食得他條舒適。 繼續閱讀
(以上食評乃用戶個人意見 , 並不代表OpenRice之觀點。)