影片
港鐵銅鑼灣站 C 出口
繼續閱讀
電話號碼
44009077 (Whatsapp)
24483888
開飯介紹
位於銅鑼灣的西班牙菜酒吧餐廳，設有室內外座位。昏暗的燈光帶點浪漫感，適合情侶及閨密來用餐。
繼續閱讀
營業時間
今日營業
12:00 - 00:00
星期一至日
12:00 - 00:00
公眾假期
12:00 - 00:00
公眾假期前夕
12:00 - 00:00
以上資料只供參考, 請與餐廳確認詳情
有關獎賞計劃
銅鑼灣不嬲都多嘢食，好多都係樓上鋪，今日我哋搵到一間係食西班牙菜嘅。上到嚟佢嘅位置唔多，所以如果要嚟食嘅話記得book位啦，然後除咗室內之外，佢都有啲室外地方，啱晒唔同人嘅需要。前菜我哋叫咗個煙燻熟成吞拿魚薄片，平時煙燻三文魚就食得多煙燻吞拿魚都係第一次，個口感同三文魚都幾唔同，比較硬身少少。佢呢個吞拿魚上面有一片片嘅茴香頭，呢種蔬果係好清爽好清新嘅一種食物，再配埋呢一種西班牙嘅特色醬汁，成件事Fresh出嚟夠晒酸好開胃。另外我哋仲試咗一個蕃茄普亞鯷魚脆包。呢一個菜式嘅魚真係未食過，嚟到佢個擺盤都好靚。不過可能都係同類型嘅前菜，佢都係用咗西班牙嗰種特色嘅酸醬，呢一款魚食落比吞拿魚更加濃味，係平時其他地方唔會好見到嘅菜式嚟。跟住仲叫咗鵝肝多士，食鵝肝，平時出邊都係配甜酸醋，但呢度係甜酸青瓜柚子莎莎，都係起到解膩嘅作用，鵝肝都好香，呢個冇得彈。其中一個main course我哋叫咗慢煮八爪魚腳，西班牙嘅八爪魚嘅係會炆到超級無敵腍，所以個口感同平時西餐食到好彈牙嘅八爪魚係完全唔同嘅嘢嚟嘅，而且西班牙菜啲醬汁大多都係以酸為主，都幾特別。而另一個我哋就叫咗香煎比目魚，今次係香草汁，所以呢一個嘅味道就比較清新啲。個魚好滑，上面都係擺咗啲茴香頭片再配埋個好幼滑嘅薯蓉，成件事更加清新咗。佢呢度有幾款draft beer，職員介紹話Damm Lemon full pint呢一款比較清新同埋香嘅檸檬味，所以我哋就揀咗呢款，呢一款絕對啱女仔飲，因為口感好甜，完全冇平時啤酒嘅苦澀味，比較似果汁酒多啲，我自己好鍾意飲呢款。但係如果男仔嘅話可能另外一款味重啲會啱啲。我想講嘅係呢度嘅職員全部都好有禮貌好親切好好人，每上一道菜都會介紹返佢呢一道菜嘅特色，亦都會嚟同你傾吓偈了解吓你嘅口味覺得佢哋嘅食物如何，成個過程除咗嘢食之外好食之外真係個服務都超級加分。
繼續閱讀
今日黎到位於銅鑼灣既西班牙菜餐廳。餐廳環境裝潢設計有格調，戶內座位全部都係沙發凳，坐得舒適，而戶外座位既帳幕掛上燈泡，增添浪漫氣氛🌹餐牌～🔸 和牛他他 $118和牛他他質感鮮嫩，上面放有矜貴既魚子醬，撈埋之後放上麵包一齊享用，係一道出色既開胃菜。🔸 北海道帶子刺身 $128北海道帶子新鮮，加上日式麻油柚子醋，配上魚子、魚子醬及芒果，口感更豐富。🔸 香煎鵝肝多士配甜酸青瓜柚子莎莎 $68/pc香煎鵝肝大大件，油脂豐富，而上面既甜酸青瓜柚子莎莎又正好可以中和油膩感。🔸 西班牙薯仔蛋餅 $98薯仔蛋餅係西班牙餐廳必點既菜，蛋餅厚實，入口富口感，食完非常飽足。🔸 西班牙烤乳豬 $398烤乳豬外皮夠曬香脆，乳豬肉細嫩，肉質肥瘦適中，鹹香好食。🔸 西班牙海鮮飯 $298 +$288龍蝦尾🦞我地另外加左龍蝦尾 ，加完之後非常適合打卡📸😆海鮮飯配料豐富，有大蝦、青口、蜆肉，西班牙飯質感較為硬身～🍰巴斯克芝士蛋糕 $98哩個真係超有驚喜❗️巴斯克芝士蛋糕質感濕潤幼滑，呈完美既流心狀態，非常好食，仲配有雪糕同水果，絕對係好食推介👍🏻🍸Cocktail ：Casa Yuzu Paloma $158Casamigos base、Honey Yuzu、Grapefruit Flavor、Top with Soda🍹Mocktail：Golden Seacoast $108Orange、Passionfruit、Vanilla、Top with Sprite🍷Red Sangria $108
繼續閱讀
今次我哋去咗間地點好方便，而且環境氣氛都唔錯嘅西班牙餐廳🥰餐廳除咗室內，仲有佈滿燈飾嘅室外位置，如果約埋一班朋友黎摸吓杯底🍸傾吓偈都應該幾chill幾正😍🦪Hokkaido Scallop Ceviche ($128)北海道帶子刺身又大又厚，仲要有好多塊🫢鮮甜帶子淋上麻油柚子醬，再加埋魚籽同生果，鹹香中帶點清新，係道精美又好食嘅開胃菜😋🥪Pan Seared Foue Gras Toast ($68/pc)鵝肝表面煎得夠乾身，所以就算我影咁耐相下面嘅多士都保持到酥脆😛一咬落去鵝肝油脂滿滿，但加咗酸甜青瓜柚子莎莎，減低油膩感👍🏻🥘Blue Mussels in Singapore Laksa ($188)白酒/忌廉青口就食得多😆喇沙青口真係未試過😛用蕃茄做基底再加入喇沙調味，真係好惹味🤤店員見我哋食醬汁都食得咁滋味🤫介紹我哋一個秘密食法🥖加個Baguette($38)食盡哂啲醬汁佢😂強烈建議即呢個食法加入menu😌因為啲汁真係好食到一滴都唔可浪費😙😙😙🥩Spanish Acorn Fed Iberico Pork Rack ($238)黑毛豬鞍架好大塊好厚身🤩最重點就係周邊嗰層肥膏，燒得香口唔油膩🤤肉加脂肪配合甜甜酸酸嘅薑橙醬汁，邪惡但一啲都唔膩😝😝配菜羽衣甘藍炸過後又香又脆勁好食😋平時好怕食雨衣甘藍覺得佢好硬好乾😥最初仲怕咁多會食淨哂😂點知最後食唔停口😝🥨Churros ($88)食得西班牙菜點可以唔食churros😙最初見到黑色星球🌑真係唔知係咩😆點知打開有驚喜，肉桂香迎面而來😌😌外脆內軟，唔怕甜嘅沾埋士多啤梨朱古力醬更滋味😛🍸Dance Tonight ($108)🍹Tropical Wind ($108)其實呢度環境真係好啱朋友飲杯酒傾吓偈🤣我哋兩個弱弱唔飲得🫣不過唔怕😛mocktail 都有唔少選擇🥰最後揀咗杯莓果茶同熱帶果奶🍹兩杯都好清新，唔會有平時嗰種好重糖漿嘅假甜👍🏻
繼續閱讀
Casamigos位於商廈入面，銅鑼灣地鐵站一出過馬路就到，超方便！搭𨋢一開門就即刻感受到酒吧餐廳嘅氣氛，仲有室外位置佈滿燈飾。食物質素超水準，小食主食甜品都咁正！店員服務都好細心👍🏻絕對會回訪❤️—— 西班牙薯仔蛋餅 $98 蛋餅好有驚喜！！！唔怪得知每枱都叫咁滯，係我食過最好食嘅蛋餅！蛋餅成個脹卜卜，一切開原來入面好有層次，每層夾雜炒過嘅洋蔥同火腿十分香，蛋味好香又鬆軟﹐沾埋面上嘅沙律醬仲好味！—— 西班牙乳豬 1/4 $398乳豬起肉起得好準確，留翻哂最嫩肉嘅位置，乳豬皮超香口，唔會覺得好硬，連埋皮下油脂食好香好邪惡啊！！嗰種油酥味真係冇得彈！特調蒜蓉醬汁同乳豬超夾，4個人叫1/4分量都好足，每人2-3塊啱啱好唔會太膩。本身想叫半隻，店員超好溫馨提示翻個份量，如果唔係飽到食完豬就走人🤣—— 西班牙海鮮飯 $298海鮮飯配料超豐富，有兩大隻蝦、青口同蜆，全部都好鮮味，由其是蝦肉爽彈；飯粒好有嚼口，越食越滋味—— 巴斯克芝士蛋糕 $98 蛋糕中間流心㗎！！！一食好較滑，芝士味出哂黎好濃郁，成個蛋糕都好輕盈，甜度perfect，食哂都唔覺膩，餐廳做到咁嘅質素嘅甜品絕對超水準！！—— 紅絲絨油條 $88Churros炸得出色！！淨係表面嗰層好脆，入面好軟熟，幾特別係油條用咗紅絲絨，士多啤梨朱古力醬平衡得好好，係好啱沾churros嘅醬，全部一齊食都唔會覺得過甜🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍 Casamigos (銅鑼灣)銅鑼灣駱克道487-489號駱克駅3樓
繼續閱讀
一向喜歡食西班牙菜的我，朋友介紹銅鑼灣樓上舖有一間性價比高的西餐廳。今日四人同行，叫做多款美食。餐廳佈置簡單, 有室內室外位置挑選。Seafood Paella 🦑🦞🐙西班牙海鮮飯我認為必點知一，每一粒飯注滿海鮮的精華，非常美味Fortville De Patatas 🍳西班牙薯仔蛋餅厚厚的蛋餅好像蛋糕一樣鬆軟，餡料有薯蓉仲有疍汁Roasted Suckling Pig 🐷 西班牙烤乳豬脆卜卜嘅乳豬皮，厚厚的肉，又juicyHokkaido Scallop Ceviche 北海道帶子刺身 日式麻油柚子醬帶子鮮甜美味配上醬汁,開胃又清新Red Velvet Churros 紅絲絨油條配士多啤梨朱古力醬西班牙獨特甜品, 又叫鬼佬油炸鬼, 沾上朱古力醬, 又甜又脆Smoked Tuna Carpaccio 🐟燻熟成吞拿魚薄片好喜歡這個吞拿魚薄片, 大有少少香薰味, 添上洋蔥及醬汁, 配搭一流Spanish Acorn Fed Grill Iberico Pork Rack 🐖薑味橙香橡果西班牙黑毛豬鞍架厚厚的豬扒, 肉質非常嫩滑Golden Seacoast 🍹Orange, Passionfruit, Vanilla, Top with Sprite果味香濃, 酸酸甜甜Dance Tonight 🍹Cranberry , Lychee ,Tea Rose有茶香, 及荔枝的香味
繼續閱讀